వైయస్ జగన్ భవిష్యత్తు గురించి ఏం మాట్లాడుతాం: శత్రుచర్ల

హైదరాబాద్: మాజీ పార్లమెంటు సభ్యుడు వైయస్ జగన్ రాజకీయ భవిష్యత్తు గురించి మాట్లడడానికి మంత్రి శత్రుచర్ల విజయరామరాజు నిరాకరించారు. కాంగ్రెసు పార్టీలో ఉంటే వైయస్ జగన్ రాజకీయ భవిష్యత్తు గురించి మాట్లాడి ఉండేవాళ్లమని ఆయన శుక్రవారం మీడియా ప్రతినిధులతో అన్నారు. కాంగ్రెసు పార్టీలో లేరు కాబట్టి వైయస్ జగన్ భవిష్యత్తు గురించి ఏం మాట్లాడుతామని ఆయన అన్నారు. విశాఖపట్నం జిల్లాలో జరిగే వైయస్ జగన్ ఓదార్పు యాత్రకు ఎంత మంది వస్తారో చూద్దామని ఆయన అన్నారు.

రాష్ట్రంలో మధ్యంతర ఎన్నికలు రాబోవని ఆయన అభిప్రాయపడ్డారు. 2014 వరకు తామే రాష్ట్రంలో సుస్థిర పాలన అందిస్తామని ఆయన దీమా వ్యక్తం చేశారు. కాంగ్రెసు పార్టీకి ఏ విధమైన నష్టం లేదని, బలోపేతంగానే ఉందని ఆయన అన్నారు.