రామోజీరావుపై వైయస్ జగన్ వర్గం ఎమ్మెల్యే గురునాథ రెడ్డి ఆరోపణ

By Pratap

Published: Tuesday, February 8, 2011, 17:13 [IST]

హైదరాబాద్: ఈనాడు గ్రూప్ చైర్మన్ రామోజీరావుకు, తెలుగుదేశం పార్టీ అధ్యక్షుడు చంద్రబాబు నాయుడికి రిలయన్స్ సంస్థ వేల కోట్ల రూపాయలు ఇచ్చిందని మాజీ పార్లమెంటు సభ్యుడు వైయస్ జగన్ వర్గానికి చెందిన కాంగ్రెసు శాసనసభ్యుడు గురునాథరెడ్డి ఆరోపించారు. సిఎల్పీ కార్యాలయంలో ఆయన మంగళవారం మీడియా ప్రతినిధులతో మాట్లాడారు. రిలయన్స్ సంస్థ ద్వారా ఈనాడు గ్రూపునకు రెండు వేల కోట్ల రూపాయలు అందినట్లు ఆయన తెలిపారు.

బీనామీ కంపెనీల ద్వారా ఈ డబ్బు ఈనాడు గ్రూపుకు చేరినట్లు ఆయన చెప్పారు. ఈ విషయాన్ని కోర్టు దృష్టికి తీసుకువెళుతూ ఒక లేఖ రాసినట్లు తెలిపారు. వేల కోట్ల రూపాయల డబ్బు ఈనాడు గ్రూపుకి, చంద్రబాబు నాయుడుకి ఏలా చేరాయో ఆ వివరాలన్నీ ఆధారాలతో సహా కోర్టుకు సమర్పించినట్లు ఆయన వివరించారు.

Published On February 8, 2011