• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

గవర్నర్ ప్రసంగానికి తెలంగాణ సెగ: తెలంగాణ సభ్యుల లొల్లి

By Pratap
|

Narasimhan
హైదరాబాద్: ఉభయ సభల సభ్యులను ఉద్దేశించి గవర్నర్ నరసింహన్ చేసిన ప్రసంగానికి గురువారం తీవ్ర వ్యతిరేకత ఎదురైంది. గవర్నర్ ప్రసంగాన్ని అడ్డుకోవడానికి తెలుగుదేశం తెలంగాణ ప్రాంత సభ్యులు, బిజెపి, తెలంగాణ రాష్ట్ర సమితి సభ్యులు తీవ్రంగా ప్రయత్నించారు. అల్లరి మధ్య గవర్నర్ తన ప్రసంగాన్ని ముగించారు. కేవలం 14 నిమిషాల్లో తన ప్రసంగాన్ని ముగించారు. ప్రసంగ పాఠాన్ని క్లుప్తంగా చదివి అయిపోయిందని అనిపించారు. తమ ప్రభుత్వం అభివృద్ధికి, సంక్షేమానికి పెద్ద పీట వేస్తుందని ప్రకటించారు. ప్రభుత్వానికి సహకరించాలని ఆయన కోరారు. శాసనసభ ప్రాంగణంలోకి రాకుండా అడ్డుకునేందుకు తెలుగుదేశం తెలంగాణ ప్రాంత సభ్యులు తొలుత ప్రయత్నించారు. అయితే, ఆయన వేరే మార్గం గుండా లోనికి ప్రవేశించారు. ఆయనకు రెడ్ కార్పెట్ స్వాగతం లేకుండా పోయింది.

ఉభయ సభలు సమావేశం కాగానే ప్రతిపక్షాలకు చెందిన తెలంగాణ సభ్యులు గవర్నర్ గో బ్యాక్, గవర్నర్ తెలంగాణ వ్యతిరేకి అంటూ నినాదాలు చేశారు. మైకులు విసిరేశారు. కండువాలు గవర్నర్ వైపు విసిరారు. స్పీకర్, గవర్నర్ మైకులు లాగేశారు. గవర్నర్ ప్రసంగ పాఠం ప్రతులను చించి గవర్నర్ వైపు విసిరేశారు. గవర్నర్ సిబ్బందిని వారు అడ్డుకున్నారు. తెరాస సభ్యుడు హరీష్ రావు స్పీకర్ పోడియం వద్దకు దూసుకెళ్లడానికి ప్రయత్నించారు. అయితే మార్షల్స్ ఆయనను అడ్డుకున్నారు.

English summary
Opposition Parties Telangana region MLAs and MLAs obstructed Governor Narasimhan's speech in joint session today. TRS members including members of BJP and the members of Telangana region TDP raised slogans against Governor.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X