• search
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

జెపిపై దాడికి తెరాస ఎమ్మెల్యేలపై మంత్రులు ఫైర్, బ్లాక్ డేగా అభివర్ణన

By Pratap
|
Danam Nagender
హైదరాబాద్: లోకసత్తా సభ్యుడు జయప్రకాష్ నారాయణపై తెరాస సభ్యులు దాడి చేయడాన్ని, గవర్నర్ ప్రసంగాన్ని అడ్డుకోవడాన్ని రాష్ట్ర మంత్రులు తీవ్రంగా వ్యతిరేకించారు. తెరాస సభ్యులపై మండిపడ్డారు.లోక్‌సత్తా అధ్యక్షుడు జయప్రకాశ్ నారాయణపై టిఆర్ఎస్ ఎమ్మెల్యేల దాడి, గవర్నర్ నరసింహన్ ప్రసంగాన్ని టిడిపి, టిఆర్ఎస్ అడ్డుకోవడాన్ని మంత్రులు గురువారం తీవ్రంగా ఖండించారు. ఇదివరకు ప్రజాస్వామ్యయుతంగా నిరసన తెలిపిన సందర్భాలు చాలా ఉన్నాయని, అయితే పోడియం వద్దకు వెళ్లి గవర్నర్ ప్రసంగాన్ని అడ్డుకోవడం, జెపిపై దాడి చేయడం మాత్రం హేయమైన చర్య అని మంత్రి దానం నాగేందర్ అన్నారు. ఇది ప్రజాస్వామ్య చరిత్రలో బ్లాక్ డే అన్నారు. టిడిపి, టిఆర్ఎస్ నేతలు ఇందుకు బేషరతుగా క్షమాపణలు చెప్పాలన్నారు. తెలుగుదేశం పార్టీ అధ్యక్షుడు చంద్రబాబునాయుడు దీనికి ఏమని సమాధానం చెబుతారని ప్రశ్నించారు.

గవర్నర్ పట్ల, లోక్‌సత్తా అధినేత జయప్రకాశ్ నారాయణలపై దాడిని హేయమైన చర్య అని మంత్రి జానారెడ్డి అన్నారు. వారి చర్యలను ఖండిస్తున్నానని చెప్పారు. ప్రజాస్వామ్య బద్దంగా ఎన్నికై, రాజ్యాంగానికి కట్టుబడి ఉన్న ప్రతినిధులు ఇలా వ్యవహరించడం సరికాదని, దీనిని ప్రజలు హర్షించరని చెప్పారు. వారి తీరు ప్రజాస్వామ్య స్ఫూర్తి దెబ్బతినేలా ఉందని చెప్పారు. వారు ప్రవర్తనపై వారే ఆత్మ విమర్శ చేసుకోవాలని సూచించారు. ప్రజాస్వామ్యం అపహాస్యం చేసేలా ప్రవర్తించవద్దన్నారు. ఇకముందు వారు ఇలాంటి చర్యలకు పూనుకోకూడదని సూచించారు. ఇలాగే ఇకముందు వ్యవహరిస్తే ప్రజలకు నష్టం చేస్తుందన్నారు. రాజ్యాంగ విరుద్ద తీరును ప్రజలు ఆమోదించరని వారు తెలుసుకోవాలని సూచించారు. జెపిపై దాడిని ముక్తకంఠంతో ప్రజలందరూ ఖండించాలని చెప్పారు. శాసనసభ గౌరవాన్ని అందరూ గౌరవించాలని కోరారు.

గవర్నర్ ప్రసంగాన్ని కనీసం వినకుండానే అడ్డుకోవడం దురదృష్టకరమని మంత్రి ఆనం రామనారాయణ రెడ్డి అన్నరు. మీడియా పాయింట్ వద్ద జెపిపై దాడి చేయడం చూస్తుంటే ప్రజాస్వామ్యం దారితప్పి పయనిస్తుందని అర్థమవుతుందన్నారు. ఇలాంటి దుర్ఘటన గతంలో ఎన్నడూ జరగలేదన్నారు. టిడిపి, టిఆర్ఎస్ నేతలు తాము చేసిన పనికి ఇప్పటికైనా పశ్చాత్తాపపడాల్సి ఉందన్నారు. ఈరోజు చేసిన పనికి దేశ ప్రజల దృష్టిలో చులకన అయ్యామని, సిగ్గుపడాల్సిన దుస్థితి ఏర్పడిందన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని హైదరాబాద్ వార్తలుView All

English summary
Ministers condemned today TRS MLAs attack on Lok Satta President Jayaprakash Narayana. Danam Nagender termed today as black day in democratic country.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more