• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

ట్యాంక్‌బండ్ విగ్రహాల ధ్వంసంపై భగ్గుమన్న సీమాంధ్ర, కోదండరామ్‌పై గుర్రు

By Pratap
|

United Andhra
హైదరాబాద్: మిలియన్ మార్చ్ సందర్భంగా గురువారం హైదరాబాదులోని ట్యాంక్ బండ్‌పై గల విగ్రహాలను తెలంగాణవాదులు ధ్వంసం చేయడంపై సీమాంధ్ర భగ్గుమంది. విగ్రహాల ధ్వంసానికి నిరసనగా విశాఖపట్నంలో గురువారం రాత్రి వరకు నిరసనలు పెల్లుబుకాయి. సమైక్యాంధ్ర విద్యార్తి జెఎసి ఆధ్వర్యంలో ఆంధ్ర విశ్వవిద్యాలయంలోని గాంధీ విగ్రహం వద్ద నిరసన ప్రదర్శన జరిగింది. తెలంగాణ రాజకీయ జెఎసి చైర్మన్ కోదండరామ్‌పై ఆంధ్రవిశ్వవిద్యాలయం విద్యార్థి జెఎసి కన్వీనర్ ఆడారి కిశోర్ తీవ్ర ఆగ్రహం వ్యక్తం చేశారు. విద్యార్థుల భవిష్యత్తు కోసం కృషి చేయాల్సిన ప్రొఫెసర్ కోదండరామ్ ప్రభుత్వ వ్యతిరేక కార్యకలాపాలకు పాల్పడుతున్నారని విమర్శించారు. కోదండరామ్‌ను వెంటనే విధుల నుంచి తప్పించాలని ఆయన విశ్వవిద్యాలయాలకు చాన్సలర్‌గా వ్యవహరిస్తున్న గవర్నర్‌ను కోరారు. గురువారం రాత్రి సమైక్యాంధ్ర వాదులు విశాఖపట్నంలోని మహా విశాఖ నగర పాలక సంస్థ వద్ద ఆందోళన నిర్వహించారు. కొవ్వొత్తు ప్రదర్శన నిర్వహించి, గాంధీ విగ్రహానికి క్షీరాభిషేకం చేశారు.

మిలియన్ మార్చ్‌ను తెలంగాణ దొరల ఆధిపత్యం కోసం సాగిన మూర్ఖత్వపు ఉద్యమంగా సమైక్యాంధ్ర బలహీన వర్గా జెఎసి రాష్ట్ర అధ్యక్షుడు వైవి సురేష్ వ్యాఖ్యానించారు. ఆశాస్త్రీయమైన వాదనలతో తెరాస నాయకులు ప్రజలను రెచ్చగొడుతూ బలి చేస్తున్నారని ఆయన విమర్శించారు. శ్రీకృష్ణ కమిటీకి 20 కోట్లు ఖర్చయినా తెరాసకు బుద్ధి రాలేదని ఆయన అన్నారు. సమసమాజ నిర్మాణానికి పాటుపడిన మహామహుల విగ్రహాలను ధ్వంసం చేయడం, వార్తల సేకరణకు వచ్చిన మీడియాపై దాడులు చేయడం తెలంగాణ ఉద్యమమా అని రాష్ట్ర మంత్రి శైలజానాథ్ ప్రశ్నించారు. తెలంగాణ ఉద్యమం ముసుగులో యువకులను రెచ్చగొడుతున్న కోదండరామ్ ప్రజలకు సమాధానం చెప్పాలని ఆయన డిమాండ్ చేశారు. విగ్రహాల ధ్వంసంపై తెలుగుదేశం పార్టీ సీమాంధ్ర నాయకుడు కె. ఎర్రంనాయుడు తీవ్రంగా ధ్వజమెత్తారు.

English summary
Seemandhra leaders condemned distruction of statues of personalities on Tank bund in Hyderabad. Protests were organized in Vishakapatnam opposing the distruction of statues.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X