ఏప్రిల్-జూన్‌లలో భారీ ఎత్తున ఐటీ, టెలికాంలో నియామకాలు

వ్యాపార పరిస్థితులు ఆశావహంగా ఉన్న నేపథ్యంలో దేశీ కంపెనీలు జోరుగా రిక్రూట్‌మెంట్ జరపనున్నాయి. ఈ ఏడాది ఏప్రిల్-జూన్ త్రైమాసికంలో పెద్ద ఎత్తున కొలువులు ఇవ్వనున్నాయి. కన్సల్టెన్సీ సంస్థ టీమ్‌లీజ్ సర్వీసెస్ ఈ విషయాలు వెల్లడించింది. సంస్థ నిర్వహించే ఉపాధి అవకాశాల సూచీ ఈ ఏడాది రెండో త్రైమాసికానికి సంబంధించి.. అంతకు ముందు క్వార్టర్‌తో పోలిస్తే అయిదు పాయింట్లు పెరిగి 74కి చేరింది.

దీని ప్రకారం, ఐటీ, ఐటీఈఎస్, టెలికాం రంగాల్లో హైరింగ్ సెంటిమెంట్ అత్యధికంగా 20 శాతం మేర పెరిగింది. టెలికాం వృద్ధికి అనుగుణంగా ఈ రంగంలో నియామకాలు ఎక్కువగా ఉండనున్నట్లు సంస్థ వైస్ ప్రెసిడెంట్ సంగీతా లాలా తెలిపారు. ఐటీ, ఐటీ ఆధారిత సర్వీసులకు సంబంధించి హైదరాబాద్, ఢిల్లీ, ముంబై, పుణేలో హైరింగ్ సెంటిమెంటు అత్యధికంగా ఉన్నట్లు సర్వేలో తేలింది. అయితే, ఇంజనీరింగ్, తయారీ రంగాల్లో ఈ క్వార్టర్లో అవకాశాలు తగ్గనున్నాయి. మొత్తం మీద ఎంట్రీ, మిడిల్, సీనియర్ వంటి అన్ని స్థాయిల్లోనూ నియామకాలు ఉంటాయని సర్వే వెల్లడించింది.

English summary

The recruitment and selection is the major function of the human resource department and recruitment process is the first step towards creating the competitive strength and the strategic advantage for the organisations.