దావూద్ ఇబ్రహీం జారుకున్నాడా, పాకిస్తాన్ బుకాయిస్తోందా?

By Pratap

Published: Thursday, May 5, 2011, 18:12 [IST]

ఇస్లామాబాద్: అండర్ వరల్డ్ డాన్, మోస్ట్ వాంటెడ్ నెంబర్ 2 దావూద్ ఇబ్రహీం తమ దేశం నుంచి జారుకున్నాడని పాకిస్తాన్ అంటోంది. అతను తజికిస్తాన్ గానీ అజర్ బైజాన్ గానీ పారిపోయి ఉంటాడని పాకిస్తాన్ అంటోంది. నిజానికి, దావూద్ పారిపోయాడా, పాకిస్తాన్ నిజమే చెబుతోందా అనే విషయాలపై అనుమానాలు తలెత్తుతున్నాయి. అంతర్జాతీయ ఉగ్రవాది, ఆల్ ఖైదా వ్యవస్థాపకుడు ఒసామా బెన్ లాడన్ తమ దేశంలో లేడని పాకిస్తాన్ పదే పదే చెబుతూ వచ్చింది. దేశ రాజధాని ఇస్లామాబాద్‌కు సమీపంలోని అబ్బొత్తాబాద్‌లోని ఆ ఖరీదైన భవంతిలో, మిలిటరీ క్యాంప్‌నకు దగ్గరలో లాడెన్‌ను అమెరికా మట్టుబెట్టడంతో పాకిస్తాన్ ఇరకాటంలో పడింది.

ముంబై పేలుళ్ల ప్రధాన సూత్రధారి దావూద్ ఇబ్రహీం పాకిస్తాన్‌లోనే ఉన్నాడని భారత్ పదే పదే చెబుతూ వస్తోంది. అతను నివాసం ఉంటున్న ప్రాంతాన్ని కూడా తెలిపింది. అయినా, పాకిస్తాన్ దావూద్ ఇబ్రహీం తమ వద్ద లేడని బుకాయిస్తూ వచ్చింది. దావూద్ ఇండియా మోస్ట్ వాంటెడ్ క్రిమినల్. లాడెన్ మరణంతో ప్రపంచ మోస్ట్ వాంటెడ్ జాబితాలో దావూద్ రెండో స్థానానికి చేరుకున్నాడు. మెక్సికోలో డ్రగ్ ట్రాఫికింగ్ ఆర్గనైజేషన్‌ను నడుపుతున్న సినాలోవా కార్టెల్ ఇంటర్ పోల్ మోస్ట్ వాంటెడ్ జాబితాలో మొదటి స్థానం పొందాడు. ఆ తర్వాతి స్థానం దావూద్‌దే.

Published On May 5, 2011