• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చిదంబరంతో గవర్నర్ నరసింహన్ మంత్రాంగం, తెలంగాణపైనే భేటీ

By Pratap
|

Narasimhan-Chidambaram
న్యూఢిల్లీ : రాష్ట్ర గవర్నర్ నరసింహన్ గురువారం కేంద్ర హోం మంత్రి పి. చిదంబరంతో సమావేశమయ్యారు. చిదంబరంతో ఆయన ఏం మాట్లాడారనేది తెలియడం లేదు. భేటీలో చర్చకు అంశాలపై మాట్లాడడానికి ఆయన నిరాకరించారు. హోం శాఖ కార్యదర్శి, సిబిఐ డైరెక్టర్, ఇంటలిజెన్స్ ఐజిలతో కూడా ఆయన సమావేశమయ్యారు. తెలంగాణపై కేంద్ర ప్రకటనకు తెలంగాణవాదులు విధించిన గడువు సమీపిస్తుండడంతో ఈ భేటీ జరిగినట్లు చెబుతున్నారు. ఐదు రాష్ట్రాల శాసనసభ ఎన్నికలు ముగిసే దాకా వేచి చూస్తామంటూ కాంగ్రెసు తెలంగాణ నాయకులు ప్రకటించారు. ఈ విషయాన్ని తెలంగాణ రాష్ట్ర సమితి (తెరాస), తెలంగాణ రాజకీయ జెఎసి నేరుగా ప్రకటించకపోయినప్పటికీ అంత దాకా వేచి చూసే ధోరణినినే అవలంబిస్తున్నాయి.

తెలంగాణ ఉద్యమం తిరిగి ఊపందుకునే పరిస్థితి ఉన్న నేపథ్యంలో గవర్నర్ నరసింహన్‌ చిదంబరంతో భేటీ కావడం ప్రాధాన్యతను సంతరించుకుందని అంటున్నారు. రాష్ట్ర ప్రభుత్వం సుస్థిరంగా ఉండాలని గవర్నర్ మీడియా ప్రతినిధులతో అన్నారు. రాష్ట్రంలో శాంతిభద్రతలు సవ్యంగానే ఉన్నాయని చెప్పారు. విశ్వవిద్యాలయాల వైస్ చాన్సలర్ల నియామకాలను త్వరలో చేపడతామని ఆయన చెప్పారు. నరసింహన్ చిదంబరంతో కడప ఉప ఎన్నికల తర్వాత తలెత్తే పరిణామాలపై కూడా చర్చించినట్లు చెబుతున్నారు. చిదంబరానికి గవర్నర్ ఏదైనా నివేదిక సమర్పించారా, లేదా అనేది తెలియడం లేదు.

English summary
AP governor Narasimhan met Unoin Home Minister P Chidambaram today to update the situation in the state,
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X