టాటా సన్స్ చైర్మన్ రతన్ టాటా వారసుడి ఎంపికపై ఇంకా సస్పెన్స్

By Nageswara Rao

Published: Wednesday, May 18, 2011, 11:29 [IST]

టాటా సన్స్ చైర్మన్ రతన్ టాటా వారసుడి ఎంపికపై ఇంకా సస్పెన్స్ కొనసాగుతోంది. ఇందుకోసం సంస్థకి చెందిన వారితో పాటు పలువురు బయటి అభ్యర్థులను కూడా ఇంటర్వ్యూ చేశామని, అయితే తుది నిర్ణయమేదీ ఇంకా తీసుకోలేదని టాటా సన్స్ ప్రతినిధి ఒకరు తెలిపారు. దీనికి సంబంధించిన ఊహాగానాలపై తాము వ్యాఖ్యానించబోమన్నారు.

రతన్ వారసుడి ఎంపిక కోసం టాటా సన్స్ ప్రత్యేకంగా కమిటీని ఏర్పాటు చేసిన సంగతి తెలిసిందే. ఆయన సవతి సోదరుడు నోయల్ టాటానే తదుపరి చైర్మన్ అయ్యే అవకాశాలున్నట్లు భావిస్తున్నప్పటికీ, బయటి ప్రొఫెషనల్స్ పేర్లను కూడా కమిటీ పరిశీలిస్తోంది. 72 బిలియన్ డాలర్ల వ్యాపార సామ్రాజ్యానికి సారధ్యం వహిస్తున్న రతన్ టాటా వచ్చే ఏడాది డిసెంబర్‌లో రిటైర్ కానున్నారు.

Published On May 18, 2011