బిసి రిజర్వేషన్లు తగ్గకుండా చూస్తాం: మంత్రి బొత్స సత్యనారాయణ

By Pratap

Published: Thursday, May 19, 2011, 18:07 [IST]

హైదరాబాద్: స్థానిక సంస్థల ఎన్నికల్లో బిసి రిజర్వేషన్లు తగ్గకుండా చూస్తామని మంత్రి బొత్స సత్యనారాయణ హామీ ఇచ్చారు. బిసి రిజర్వేషన్లను మరో పదేళ్ల పాటు పొడిగిస్తూ జివో జారీ చేసినట్లు ఆయన గురువారం మీడియా ప్రతినిధుల సమావేశంలో చెప్పారు. బిసి రిజర్వేషన్లను తగ్గించడానికి ప్రభుత్వం ప్రయత్నిస్తోందనే విమర్శలో నిజం లేదని, రాజకీయ లబ్ధి కోసమే కొన్ని పార్టీలు ఆ విధమైన విమర్శలు చేస్తున్నాయని ఆయన అన్నారు. అవసరమైతే బిసి రిజర్వేషన్లపై సుప్రీంకోర్టులో రివ్యూ పిటిషన్ వేయనున్నట్లు ఆయన తెలిపారు.

బిసి రిజర్వేషన్ల కోసం రాజ్యాంగ సవరణ చేపట్టాలని కేంద్రంపై ఒత్తిడి తెస్తామని కూడా ఆయన చెప్పారు. బిసి రిజర్వేషన్లు చదువులోనే కాకుండా ఉద్యోగాల్లో కూడా మేలు చేస్తాయని ఆయన అన్నారు. రిజర్వేషన్లు మొత్తం 50 శాతానికి మించకూడదని, ఈ తీర్పు అన్ని రాష్ట్రాలకూ వర్తిస్తుందని సుప్రీంకోర్టు తీర్పు ఇచ్చిన నేపథ్యంలో ఆంధ్రప్రదేశ్ ప్రభుత్వం మల్లగుల్లాలు పడుతోంది. రాష్ట్రంలో మొత్తం రిజర్వేషన్లు 60 శాతానికి చేరుకున్నాయి.

Published On May 19, 2011