కర్నాటక గవర్నర్‌ను రీకాల్ చేయాలి: బిజెపి నేత వెంకయ్యనాయుడు

By Srinivas

Published: Thursday, May 19, 2011, 12:14 [IST]

హైదరాబాద్: రాజ్యంగ విరుద్దంగా ప్రవర్తిస్తున్న కర్నాటక గర్నర్ హెచ్ఆర్ భరద్వాజ్‌ను కేంద్రం వెంటనే వెనక్కి పిలవాలని భారతీయ జనతా పార్టీ సీనియర్ నేత వెంకయ్యనాయుడు గురువారం డిమాండ్ చేశారు. భరద్వాజ్ గవర్నర్‌గా పనికి రారని ఆరోపించారు. భరద్వాజ్ రాజ్ భవన్‌ను కాంగ్రెసు పార్టీ కార్యాలయం గాంధీ భవన్‌లా మార్చారని అన్నారు. ఆయన తీరు చూస్తుంటే ప్రతిపక్ష నేతగా వ్యవహరిస్తున్నట్టు కనిపిస్తోందన్నారు. అయనను గవర్నర్‌గా కొనసాగించకూడదన్నారు.

రాష్ట్ర ప్రభుత్వం రైతుల సమస్యలను పట్టించుకొని పరిష్కరించాలని పార్టీ రాష్ట్ర అధ్యక్షుడు, అంబర్ పేట నియోజకవర్గ శాసనసభ్యుడు కిషన్ రెడ్డి కోరారు. మార్కెట్ యార్డు, ధాన్యం కొనుగోలు కేంద్రాలలో ఈ నెల 25 వరకు బిజెపి ప్రతినిధులు పరిశీన చేస్తారని చెప్పారు.

Published On May 19, 2011