జూపల్లి కృష్ణారావు పాదయాత్రకు డికె అరుణ, ఆగని మంత్రుల ఫైట్

మహబూబ్‌నగర్: మహబూబ్‌నగర్ జిల్లా గద్వాలలో మంత్రి జూపల్లి తెలంగాణ పాదయాత్రకు మరో మంత్రి డికె అరుణ మెలిక పెట్టారు. తన నియోజకవర్గం గద్వాలలో జూపల్లి పాదయాత్రను అడ్డుకుంటానని చెప్పి ఆందోళనకు దిగిన అరుణ ఇప్పుడు కొత్త మెలిక పెట్టారు. జూపల్లి కృష్ణారావు పాదయాత్రకు తాను సహకరించబోనని, అయితే తాను యాత్రను అడ్డుకోబోనని అంటూనే స్థానికులు అడ్డుకుంటే తనకు సంబంధం లేదని డికె అరుణ చెప్పారు.

ఇరువురు మంత్రుల మధ్య సయోధ్య కుదర్చడానికి పిసిసి మధ్యవర్తిగా పనిచేసిన గుర్నాథ రెడ్డి చర్చలు విఫలమయ్యాయి. మంత్రులు ఇరువురు కూడా తమ తమ వైఖరులకే కట్టుబడి ఉండడంతో సమస్య పరిష్కారం కాలేదు. శనివారం నుంచి గద్వాలలో పాదయాత్ర చేస్తానని జూపల్లి కృష్ణా రావు చెప్పారు. పాదయాత్రలో జూపల్లి కృష్ణా రావు వెనక నడిచేందుకు తాను సిద్ధంగా లేనని డికె అరుణ చెప్పారు.

English summary

Minister DK Aruna rejects to cooperate to another minister Jupalli Krishna rao's padayatra in Gadwal assembly segment.