• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

తనకు అసంతృప్తి లేదన్న హరికృష్ణ, మహానాడుకు సీనియర్లు డుమ్మా

By Pratap
|

Harikrishna
హైదరాబాద్: తనకు ఏ విధమైన ఆసంతృప్తి లేదని తెలుగుదేశం పార్టీ అధ్యక్షుడు నారా చంద్రబాబు నాయుడి బావమరిది, రాజ్యసభ సభ్యుడు నందమూరి హరికృష్ణ అన్నారు. గత కొద్ది రోజులుగా ఆయన చంద్రబాబు నాయుడి తీరు పట్ల అసంతృప్తిగా ఉన్నారని, వారసత్వపోరులో ఆయన చంద్రబాబుకు వ్యతిరేకంగా పనిచేస్తున్నారని వార్తలు వస్తున్నాయి. ఈ నేపథ్యంలో ఆయన శుక్రవారం మీడియా ప్రతినిధులతో ఆ విధంగా అన్నారు. తమ పార్టీ అధ్యక్షుడు నారా చంద్రబాబు నాయుడి ప్రసంగం పూర్తయ్యే వరకు తాను మహానాడులోనే ఉన్నానని ఆయన చెప్పారు.

మహానాడులోనే తాను భోజనం చేశానని ఆయన చెప్పారు. ఓ పెళ్లికి హాజరు కావాల్సి ఉండడంతో ముందుగా వెళ్లిపోతున్నట్లు ఆయన తెలిపారు. కాగా, కొంత మంది సీనియర్లు మహానాడుకు డుమ్మా కొట్టారు. రాజమండ్రి మేయర్ వ్యవహారంలో చంద్రబాబుపై తీవ్ర అసంతృప్తితో ఉన్న గోరంట్ల బుచ్చయ్య చౌదరి మహానాడుకు రాలేదు. చంద్రబాబుతో ఆయన జరిపిన చర్చలు విఫలమయ్యాయి. దీంతో ఆయన పార్టీని వీడిపోవాలని నిర్ణయించుకున్నట్లు సమాచారం.

ఇదిలా వుంటే, తెలంగాణకు చెందిన శాసనసభ్యులు రావుల చంద్రశేఖర రెడ్డి, జైపాల్ యాదవ్, జోగు రామన్న, హరీశ్వర్ రెడ్డి కూడా మహానాడుకు హాజరు కాలేదు. హరీశ్వర్ రెడ్డి, జోగు రామన్న పార్టీ సస్పెండ్ అయిన నాగం జనార్దన్ రెడ్డి వెంట నడవడానికి సిద్ధపడ్డారు.

English summary
Rajyasabha member Nandamuri Harikrishna said that he is not dissatisfied with TDP president N Chandrababu Naidu.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X