రేబిస్ వ్యాధికి శ్రీకాకుళం జిల్లాలో మరొకరు బలి

శ్రీకాకుళం: రాష్ట్రంలో రేబిస్ వ్యాధి వల్ల రోజూ ఒకరు చనిపోతూనే ఉన్నారు. గత కొద్దికాలంగా రాష్ట్రంలో కుక్క కాటు వల్ల వచ్చే రేబిస్ వల్ల పలువురు మృతి చెందినప్పటికీ ప్రభుత్వం స్పందన అంతగా కనిపించినట్లుగా లేదు. సోమవారం శ్రీకాకుళం జిల్లాలోని ఇచ్చాపురం మండలం లాలాపేట గ్రామంలో మరొకరు రేబిస్ వ్యాధి కారణంగా చనిపోయారు. ఆదివారం సాక్ష్యాత్తూ మంత్రి రాంరెడ్డి వెంకటరెడ్డి సమక్షంలోనే చల్లా బాబు అనే వ్యక్తి ఖమ్మం జిల్లాలో మృతి చెందిన విషయం తెలిసిందే.

కాగా గత కొంతకాలంగా ప్రభుత్వాసుపత్రిలో రేబిస్ వ్యాక్సిన్ కొరత ఉన్నట్లుగా కనిపిస్తోంది. వైద్యం కోసం వచ్చిన రోగులకు వ్యాక్సిన్ లేదని ప్రభుత్వ ఆసుపత్రులు వెనక్కి పంపిన సందర్భాలు కూడా ఉన్నట్లు కథనాలు వచ్చాయి. వారం పది రోజుల క్రితం వ్యాక్సిన్ ప్రభుత్వాసుపత్రిలో వ్యాక్సిన్ దొరకక తూర్పు గోదావరి జిల్లాలో రేబిస్ వ్యాధితో ఓ వ్యక్తి మరణించాడు. దాంతో రేబిస్ వ్యాధితో ప్రజలు మృత్యువాత పడడం ప్రారంభమైంది.

English summary

Another dead by Rabies in Lalapeta of Srikakulam district.