సాంకేతిక లోపంతో స్పైస్ జెట్ అత్యవసర లాండింగ్: విమానంలో ఎంపీలు?

హైదరాబాద్: శంషాబాద్‌లోని రాజీవ్ గాంధీ అంతర్జాతీయ విమానాశ్రయంలో సాంకేతిక లోపం కారణంగా స్పైస్ జెట్ విమానం సోమవారం అత్యవసరంగా ల్యాండ్ అయింది. ఈ విమానం హైదరాబాద్ నుండి న్యూ ఢిల్లీకి ఉదయం 6.40 నిమిషాలకు బయలు దేరింది. విమానం టేకాఫ్ అయిన కాసేపటికే విమానంలోని ఇంజన్‌లో సాంకేతిక సమస్య ఉన్నట్టు పైలట్ గమనించారు. వెంటనే విమానాన్ని పైలట్ విమానాశ్రయంలోనే దింపారు.

కాగా ఈ విమానంలో 180 మంది ప్రయాణీకులు ఉన్నారు. అందరూ క్షేమంగానే ఉన్నారు. ఈ విమానంలో మన రాష్ట్రానికి చెందిన పలువురు పార్లమెంటు సభ్యులు కూడా ఉన్నట్టు తెలుస్తోంది. కాగా అధికారులు ప్రయాణీకులకు ప్రత్యామ్నాయ ఏర్పాట్లు చేస్తున్నట్టుగా తెలుస్తోంది.

English summary

Spice Jet landed at Shamshabad airport with engine problem. 180 passengers are there in aeroplane.