• search
  • Live TV
గుంటూరు వార్తల కోసం
నోటిఫికేషన్స్ పై క్లిక్ చేయండి  

సీమాంధ్రలో రగిలిన సమైక్యాంధ్ర ఆందోళనల అగ్గి

By Pratap
|

Andhra Pradesh
విజయవాడ: రాష్ట్రాన్ని సమైక్యంగా ఉంచాలంటూ సీమాంధ్రలోని పలు జిల్లాల్లో విద్యార్థులు శుక్రవారం ఆందోళనలు కొనసాగించారు. ర్యాలీలు, మానవహారాలు నిర్వహించారు. ప్రాంతాల మధ్య విధ్వేషాలు రెచ్చగొట్టేలా రాజకీయ నేతలు వ్యవహరించకుండా సమైక్యవాదాన్ని, సోదరతత్వాన్ని కొనసాగేలా చూడాలని విద్యార్ధులు నినాదాలు చేశారు. దీంతో సమైక్యాంధ్ర ఉద్యమం ఒక్కసారిగా ఊపందుకుంది. ఉద్యమాల పేరుతో ప్రజాసంక్షేమం దెబ్బతింటుందని, ఇప్పటికే రాష్ట్రంలో నెలకొన్న అనిశ్చితిని తొలగించడానికి కేంద్రం త్వరగా చర్యలు తీసుకోవాలని, ఈ విషయమై స్పష్టమైన వైఖరిని ప్రదర్శించాలని విద్యార్ధులు కోరారు.

విశాఖపట్నంలో రాష్ట్రం సమైక్యంగా ఉంచాలంటూ న్యాయవాదులు విధులు బహిష్కరించారు.పశ్చిమగోదావరి ఏలూరులో సమైక్యాంధ్రకు మద్దతుగా వసంతనగర్ సెంటర్‌లో టీడీపీ రాస్తారోకో నిర్వహించింది.విజయనగరంలో సమైక్యాంధ్రకు మద్దతుగా కోర్టు దగ్గర న్యాయవాదులు మానవహారం చేశారు.పార్వతీపురంలో టీడీపీ ధర్నా నిర్వహించింది.నెల్లూరు జిల్లాలో సమైక్యాంధ్ర కోసం హైవేపై విద్యార్ధి జేఏసీ ధర్నా, రాస్తారోకో చేపట్టింది. ప్రకాశం జిల్లాలో సమైక్యాంధ్ర కోసం ఒంగోలు బైపాస్ రోడ్డులో విద్యార్ధులు రాస్తారోకో నిర్వహించారు. కాగా వీరిని పోలీసులు అడ్డుకున్నారు.

రాష్ట్రాన్ని సమైక్యంగా ఉంచాలని డిమాండ్ చేస్తూ గుంటూరులో ఇంజనీరింగ్, డిగ్రీ విద్యార్ధులు పెద్ద ఎత్తున ప్రదర్శనలు నిర్వహించారు. అనంతపురం జిల్లాలోని ముదిగొబ్బిలో సమైక్యాంధ్రకోసం విద్యార్ధులు ర్యాలీ చేపట్టారు. కదిరిలో న్యాయవాదులు ర్యాలీ నిర్వహించారు. హిందూపురంలో న్యాయవాదులు విధులు బహిష్కరించారు.చిత్తూరు జిల్లాలో సమైక్యాంధ్రకు మద్దతుగా జిల్లావ్యాప్తంగా విద్యా సంస్థలు బంద్ పాటిస్తున్నాయి. జిల్లాలో జేఏసీ ర్యాలీ, మానవహారాలు నిర్వహించారు. ఎస్వీయూలో కేసీఆర్ దిష్టిబొమ్మను దహనం చేశారు. పీలేరులో ఎస్ఎస్‌యూఏ ర్యాలీ చేపట్టింది.

English summary
Students in Seemandhra have tajenup agitational programmes demanding united Andhra
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X