అనంతలో ఫ్యాక్షన్, గుంటూరులో రౌడీషీటర్ దారుణ హత్య

By Srinivas

Published: Friday, August 12, 2011, 13:28 [IST]

అనంతపురం/గుంటూరు: అనంతపురం జిల్లాలో ఫ్యాక్షన్ హత్య, గుంటూరు జిల్లాలో పాత కక్షలతో ఓ రౌడీ షీటర్‌ను దారుణంగా గొడ్డలితో నరికి చంపిన దుర్ఘటనలు శుక్రవారం చోటు చేసుకున్నాయి. అనంతపురం జిల్లా ఎల్లనూరు మండలం కల్లూరు గ్రామంలో జనార్దన్ నాయుడు అనే వ్యక్తిని కొందరు దుండగులు దారుణంగా నరికి చంపారు. ఆయన హత్యకు పాతకక్షలే కారణం కావచ్చునని పోలీసులు అనుమానాలు వ్యక్తం చేస్తున్నారు. గుంటూరు పట్టణంలో శారదా కాలనీలో శ్యాంబాబు అనే రౌడీ షీటరును ప్రత్యర్తులు గొడ్డలితో నరికి చంపారు. అతను రోడ్డు మీద వెళుతున్న సమయంలో ఆయనపై గొడ్డలితో దాడి చేసి చంపారు.

శ్యాంబాబు భార్య ఫిర్యాదు మేరకు పోలీసులు కేసు నమోదు చేసుకున్నారు. పాతకేసులు బయటకు వస్తాయనే ఉద్దేశ్యంతోనే ప్రత్యర్థులు ఆయనను నరికి చంపినట్లుగా పోలీసులు అనుమానాలు వ్యక్తం చేస్తున్నారు. జిల్లాలోని నకరికల్లు మండలం రుబినగుంట గ్రామంలో ప్రత్యర్థులు ఓ వ్యక్తిని కత్తులతో నరికి చంపినట్లుగా తెలుస్తోంది.

Published On August 12, 2011