ఎమ్మార్ ప్రాపర్టీస్ కేసులో డిఎస్‌ను ప్రశ్నించిన సిబిఐ

By Pratap

Published: Tuesday, September 13, 2011, 16:04 [IST]

హైదరాబాద్: ఎమ్మార్ ప్రాపర్టీస్ కేసులో ప్రదేశ్ కాంగ్రెసు కమిటీ (పిసిసి) అధ్యక్షుడు డి. శ్రీనివాస్ మంగళవారం సిబిఐ ముందు హాజరయ్యారు. ఆయనను సిబిఐ అధికారులు ప్రశ్నించారు. ఎమ్మార్ ప్రాపర్టీస్‌లో విల్లాలు కొనుగోలు చేసినవారందరికీ సిబిఐ నోటీసులు జారీ చేసిన విషయం తెలిసిందే. అందులో విల్లా కొనుగోలు చేసిన డి. శ్రీనివాస్ సిబిఐ ముందు హాజరై వివరణ ఇచ్చారు. సిబిఐ విచారణకు తాను సహకరిస్తానని డి. శ్రీనివాస్ మీడియా ప్రతినిధులతో చెప్పారు.

సిబిఐ అధికారులకు తాను కొనుగోలు చేసిన విల్లాకు సంబంధించిన ధ్రువపత్రాన్ని సమర్పించారు. సిబిఐ అధికారులతో తాను ఏం చర్చించాననేది మీకు చెప్పాల్సిన అవసరం లేదని ఆయన మీడియా ప్రతినిధులతో అన్నారు. తాము అడిగిన ప్రశ్నలకు డి. శ్రీనివాస్ సమాధానాలు ఇచ్చారని సిబిఐ అధికారులు చెప్పారు. ఈ కేసులో మంత్రి గీతారెడ్డికి, సినీ ప్రముఖులు రామ్ చరణ్ తేజ, మహేష్ బాబు, నమ్రతా శిరోద్కర్ వంటి పలువురికి నోటీసులు జారీ అయిన విషయం తెలిసిందే.

Published On September 13, 2011