తెలంగాణ అధిష్టాం చేతిలో ఉంది: పురంధేశ్వరి

By Srinivas

Published: Wednesday, September 21, 2011, 17:47 [IST]

తిరుపతి: తెలంగాణ అంశం అధిష్టానం చేతిలో ఉందని కేంద్ర మంత్రి పురంధేశ్వరి బుధవారం తిరుపతిలో ఓ ఛానల్‌తో మాట్లాడుతూ చెప్పారు. తెలంగాణ అంశంపై అధిష్టానం ఏం నిర్ణయం తీసుకున్నా ఆ నిర్ణయానికి అందరం కట్టుబడి ఉండాలని ఆమె స్పష్టం చేశారు. కేంద్రం నిర్ణయానికి తాను కట్టుబడి ఉంటానని చెప్పారు. తెలంగాణవ్యాప్తంగా చేపడుతున్న సకల జనుల సమ్మె కారణంగా ప్రజలు తీవ్ర ఇబ్బందులు ఎదుర్కొంటున్నారని ఆమె ఆవేదన వ్యక్తం చేశారు. ఉద్యోగులు వెంటనే సకల జనుల సమ్మెను విరమించుకోవాలని ఆమె విజ్ఞప్తి చేశారు.

కాగా పురంధేశ్వరి మహిళా సదస్సు సమావేశంలో పాల్గొనడానికి బుధవారం తిరుపతి వెళ్లారు. ఈ కార్యక్రమానికి తిరుపతి శాసనసభ్యుడు చిరంజీవి, ముఖ్యమంత్రి కిరణ్ కుమార్ రెడ్డి హాజరయ్యారు. ఈ కార్యక్రమాన్ని చిరంజీవి, కిరణ్ కుమార్ రెడ్డి ప్రారంభించారు. అనంతరం వారు సమావేశంలో ప్రసంగించారు.

Published On September 21, 2011