సిఎం సభలో వైయస్సార్సీ కార్యకర్తలపై లాఠీఛార్జ్

By Srinivas

Published: Sunday, October 2, 2011, 15:21 [IST]

ఒంగోలు: ముఖ్యమంత్రి కిరణ్ కుమార్ రెడ్డి, రాష్ట్ర వ్యవహారాల ఇంచార్జ్ గులాం నబీ ఆజాద్ పాల్గొన్న ప్రకాశం జిల్లాలోని ఎర్రగొండపాలెం సభ కాస్త ఉద్రిక్తతకు దారి తీసింది. ముఖ్యమంత్రి ప్రసంగిస్తుండగా వైయస్సార్ కాంగ్రెసు పార్టీ కార్యకర్తలుగా భావింపపడుతున్న పలువురు ఆయనకు వ్యతిరేకంగా నినాదాలు చేశారు. దివంగత ముఖ్యమంత్రి వైయస్ రాజశేఖర రెడ్డి ప్రవేశ పెట్టిన పథకాలు అమలు చేయడం లేదని ఆందోళన చేపట్టారు.

వారు ముఖ్యమంత్రి ప్రసంగాన్ని అడ్డుకునే ప్రయత్నాలు చేశారు. రాష్ట్రంలో కరెంటు కోత దారుణంగా ఉందని వారు నినాదాలు చేశారు. కుర్చీలో విసిరేశారు. వారు ఎంతకూ ఊరుకుండక పోవటంతో రంగంలోకి దిగిన పోలీసులు వారిపై లాఠీఛార్జ్ చేసి చెదరగొట్టారు.

Published On October 2, 2011