చంద్రబాబుకు షాక్: జగన్ పార్టీలోకి టిడిపి నేత

By Srinivas

Published: Thursday, October 13, 2011, 14:56 [IST]

రాజమండ్రి: తెలుగుదేశం పార్టీ అధినేత నారా చంద్రబాబు నాయుడుకు మరో షాక్ తగిలింది. తెలంగాణ, సీమాంధ్ర ప్రాంతాలలో నేతల రాజీనామాల పర్వం కొనసాగుతోంది. తెలంగాణలో తెలంగాణ కోసం రాజీనామాలు చేస్తే, సీమాంధ్రలో వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి పార్టీలోకి జంప్ అవుతున్నారు. తాజాగా తూర్పు గోదావరి జిల్లా రాజమండ్రి మేయర్ ఆదిరెడ్డి వీర రాఘవమ్మ భర్త అప్పారావు గురువారం వైయస్సార్ కాంగ్రెసు పార్టీలో చేరారు. జగన్ సమక్షంలో ఆదిరెడ్డి అప్పారావు పార్టీ ప్రాథమిక సభ్యత్వం తీసుకున్నారు.

అప్పారావుతో సహా తొమ్మిది మంది తెలుగుదేశం పార్టీ కార్పోరేటర్లు వైయస్సార్ కాంగ్రెసు పార్టీ తీర్థం పుచ్చుకున్నారు. ఇరవై ఏళ్లుగా తెలుగుదేశం పార్టీ తరఫున రాజమండ్రిలో కీలక రాజకీయ నేతగా ఎదిగారు. అయితే ఇటీవల టిడిపిలో నెలకొన్న విభేదాల కారణంగా ఆయన తీవ్ర అసంతృప్తికి లోనై జగన్ పార్టీలో చేరినట్లు తెలుస్తోంది.

Published On October 13, 2011