హోం మంత్రి సబితా ఇంద్రారెడ్డిపై శివమెత్తిన రోజా

By Pratap

Published: Sunday, October 30, 2011, 15:27 [IST]

హైదరాబాద్: హోం మంత్రి సబితా ఇంద్రారెడ్డిపై వైయస్సార్ కాంగ్రెసు పార్టీ అధికార ప్రతినిధి రోజా తీవ్రంగా ధ్వజమెత్తారు. నిజామాబాద్, వంరగల్లు జిల్లాల్లో యువతులపై ప్రేమోన్మాదుల దాడుల నేపథ్యంలో ఆమె హోం మంత్రిపై తీవ్ర వ్యాఖ్యలు చేశారు. హోం మంత్రి సబితా ఇంద్రారెడ్డి హోమ్‌కే (ఇంటికే) పరిమితమయ్యారని ఆమె ఆదివారం మీడియా ప్రతినిధుల సమావేశంలో వ్యాఖ్యానించారు. మహిళ హోం మంత్రిగా ఉన్నప్పటికీ మహిళలపై రాష్ట్రంలో దాడులు జరగడం సిగ్గు చేటు అని ఆమె వ్యాఖ్యానించారు. మహిళలపై రోజురోజుకు దాడులు పెరుగుతున్నాయని ఆయన అన్నారు. మహిళలపై దాడులు పెరగడానికి చేతగాని హోం మంత్రి సబితా ఇంద్రారెడ్డే కారణమని ఆమె అన్నారు.

రాష్ట్రం నేరాంధ్రప్రదేశ్‌గహా మారిందని ఆమె అన్నారు. మహిళలకు పూర్తి రక్షణ కల్పించాల్సిన బాధ్యత ప్రభుత్వంపై ఉందని ఆమె అన్నారు. ప్రస్తుత ప్రభుత్వంపై ప్రజలకు విశ్వాసం లేదని రోజా అన్నారు. ప్రభుత్వం ఇప్పటికైనా కళ్లు తెరిచి మహిళలపై జరుగుతున్న అఘాయిత్యాలను ఆపాలని ఆమె డిమాండ్ చేశారు. దద్దమ్మ ప్రభుత్వం వల్లనే రాష్ట్రం ఈ స్థితికి దిగజారిందని ఆమె అన్నారు. సెక్షన్ 357ను సవరించాలని ఆమె కోరారు.

Published On October 30, 2011