గంజాయి స్మగ్లర్‌ను సజీవ దహనం చేసిన ప్రత్యర్థులు

విశాఖపట్నం: విశాఖపట్నం ఏజెన్సీ ప్రాంతంలో రమణ అనే గంజాయి స్మగ్లర్ దారుణ హత్యకు గురయ్యాడు. అతన్ని ప్రత్యర్థులు కిరోసిన్ పోసి నిప్పంటించి హత్య చేశారు. ఈ సంఘటన విశాపట్నం ఏజెన్సీ ప్రాంతంలోని రోలుగుంట మండలం బిపి పట్నం వద్ద శుక్రవారం అర్థరాత్రి సమయంలో జరిగింది. ఓ కేసులో కోర్టుకు హాజరై తిరిగి వస్తుండగా అతని ప్రత్యర్థులు ఈ దారుణానికి ఒడిగట్టినట్లు తెలుస్తోంది. ఆర్థిక లావాదేవీల్లో వచ్చిన గొడవలే ఈ హత్యకు కారణమని భావిస్తున్నారు.

కొంత కాలంగా రమణ లక్ష్మి అనే మహిళతో సహజీవనం చేస్తున్నాడు. ఆమెతో కలిసి రోలుగుంట నుంచి బైక్‌పై తిరిగి వస్తుండగా ప్రత్యర్థులు దాడి చేసి హత్య చేశారు. ఇనుప రాడ్లతో కొట్టి ఆ తర్వాత ఒంటిపై కిరోసిన్ పోసి నిప్పంటించి రమణను హత్య చేశారు. రమణపై గంజాయి స్మగ్లింగుకు సంబంధించిన కేసులు ఉన్నాయి. ఈ సంఘటన విశాఖ ఏజెన్సీలో తీవ్ర సంచలం సృష్టించింది.

English summary

A Ganja smuggler Ramana was murdered in Vishakapatnam agency last night.