సై అంటే సై: బాబు వ్యాఖ్యలపై స్పందించిన కెటిఆర్

హైదరాబాద్: ప్రజా సమస్యలపై అవసరమైన పక్షంలో ప్రభుత్వంపై తాము అవిశ్వాసానికి కూడా వ్యతిరేకం కాదని తెలుగుదేశం పార్టీ అధినేత నారా చంద్రబాబు నాయుడు చేసిన ప్రకటనపై తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర రావు స్పందించారు. చంద్రబాబు ముఖ్యమంత్రి కిరణ్ కుమార్ రెడ్డి ప్రభుత్వంపై అవిశ్వాసం పెడితే తాము టిడిపికి మద్దతుగా ప్రభుత్వానికి వ్యతిరేకంగా ఓటు వేస్తామని చెప్పారు. ఇప్పటికే ముగ్గురు కాంగ్రెసు ఎమ్మెల్యేలు టిఆర్ఎస్‌లో చేరారని మరోవైపు వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వెంట మరికొందరు ఎమ్మెల్యేలు ఉన్నారని ఈ నేపథ్యంలో ప్రభుత్వానికి వ్యతిరేకంగా ఓటేసి కూలగొడతామన్నారు.

ప్రభుత్వం ఎమ్మెల్యేలను ప్రలోభ పెట్టే ఆలోచనతోనే అవిశ్వాసాన్ని ఎదుర్కొంటామని సవాల్ చేస్తుందన్నారు. ముఖ్యమంత్రి సొంత జిల్లాకు వెళ్లినప్పుడు కూడా ప్రజా స్పందన కరువైందని విమర్శించారు. తెలంగాణపై సభను నిరవధికంగా అడ్డుకుంటామన్నారు. తమ రాజీనామాలు ఆమోదించాలంటూ టిఆర్ఎస్ ఎమ్మెల్యేల నుండి స్పీకర్‌పై ఒత్తిళ్లు లేవనేవి కేవలం ఊహాగానాలే అన్నారు. కాగా పంట నష్టపోయిన రైతులకు ప్రభుత్వం నష్టపరిహారం ఇవ్వాలని సిద్దిపేట శాసనసభ్యుడు హరీష్ రావు మెదక్ జిల్లాలో డిమాండ్ చేశారు. ఆంధ్రాలో తుఫాను వస్తే కొబ్బరి చెట్టుకు కూడా నష్టపరిహారం ఇస్తారని తెలంగాణలో మాత్రం ఎకరాకు రూ.10వేలు ఇవ్వలేరా అని ప్రశ్నించారు.

English summary

TRS MLA K Taraka Rama Rao responded on TDP chief Nara Chandrababu Naidu no confidential vote comments. He said trs will support to TDP in resolution.