కిషన్‌జీ పోస్టుమార్టం రిపోర్టు, అంత్యక్రియలు పూర్తి

కోల్‌కతా/కరీంనగర్: మావోయిస్టు అగ్రనేత కిషన్‌జీపై ఆరు సార్లు కాల్పులు జరిగినట్లుగా ఆదివారం పోస్టుమార్టం నివేదికలో వెల్లడైనట్లుగా తెలుస్తోంది. ఆయనపై పోలీసులు సుమారు 500 మీటర్ల దూరం నుండి కాల్పులు జరిపారని నివేదికలో తెలిపారు. ఆయన చాతి, తల, మొహంపై బుల్లెట్ గాయాలను గుర్తించారు. కాల్పులు జరుగుతున్న సమయంలో ఆయన వద్ద మారణాయుధం ఉన్నట్లు చెప్పారు.

మరోవైపు కరీంనగర్ జిల్లా పెద్దపల్లిలోని చందాపల్లిలో కిషన్‌జీ మృతదేహానికి అంత్యక్రియలు జరిగాయి. కిషన్‌జీ మృతదేహానికి వరవరరావు, కిషన్‌జీ సోదరుడు నిప్పు పెట్టారు. ఆయనను చూడటానికి భారీ ఎత్తున ప్రజలు చుట్టు ప్రక్కల గ్రామాల నుండి తరలి వచ్చారు. ప్రజా గాయకుడు గద్దర్, పౌర హక్కుల నేత వరవర రావు, విరసన నేత చలసాని ప్రసాద్, పెద్దపల్లి పార్లమెంటు సభ్యుడు వివేక్ తదితరులు తరలి వచ్చారు. మధ్యాహ్నం ప్రత్యేక వాహనంలో ఆయన అంతిమయాత్రను ప్రారంభించారు. ఈ సందర్భంగా పోలీసులను భారీగా మోహరించారు.

English summary

Postmartum repost showing that police fired six times at Kishanji. He have bullet wounds on face, chest and head.