కోనేరుకు కోర్టులో చుక్కెదురు, బెయిల్ పిటిషన్ కొట్టివేత

By Srinivas

Published: Monday, December 12, 2011, 17:20 [IST]

హైదరాబాద్: ఎమ్మార్ కేసులో అరెస్టైన కోనేరు ప్రసాద రావుకు సోమవారం సిబిఐ ప్రత్యేక కోర్టులో చుక్కెదురైంది. తనకు బెయిల్ కావాలని ఆయన ఇటీవల కోర్టులో పిటిషన్ దాఖలు చేసిన విషయం తెలిసిందే. దీనిపై విచారణ జరిపిన కోర్టు ఆయన పిటిషన్‌ను తిరస్కరించింది. ఎమ్మార్‌లో రూ.130 కోట్ల కుంభకోణం జరిగిందని బెయిల్ ఇస్తే సాక్ష్యాలు తారుమారు చేసే అవకాశముందని, ఇంకా చాలా విషయాలు ఆయన నుండి వెలికి తీయాల్సి ఉందని సిబిఐ కోర్టుకు తెలిపింది. కాగా ఎమ్మార్ విల్లాల కేసులో ఆస్తులు కొనుగోలు చేసిన వారిని సోమవారం సిబిఐ అధికారులు విచారించారు.

జూబ్లీహిల్స్ సాఫ్టువేర్ సంస్థ యజమాని శ్రీనాథ్ రెడ్డి రెండు విల్లాలు కొనుగోలు చేయగా, ఆయనకు సిబిఐ మొదటిసారి నోటీసులు ఇచ్చి విచారణకు పిలిచింది. ఆయన వాంగ్మూలం నమోదు చేశారు. రంగారెడ్డి జిల్లాలోని పెన్నా సిమెంట్ పరిశ్రమకు నీటి కేటాయింపులు చేసిన నీటి పారుదల శాఖ ఉన్నతాధికారిని కూడా విచారించారు.

Published On December 12, 2011