• search
  • Live TV
వరంగల్ వార్తల కోసం
నోటిఫికేషన్స్ పై క్లిక్ చేయండి  

బాబు ప్రసంగిస్తుండగా వేదికపైకి చెప్పులు, రాళ్లు

By Pratap
|

Chandrababu Naidu
వరంగల్: తెలుగుదేశం పార్టీ అధ్యక్షుడు నారా చంద్రబాబు నాయుడు పాల్గొన్న వరంగల్ జిల్లాలోని పాలకుర్తి బహిరంగ సభ వద్ద శుక్రవారం సాయంత్రం తీవ్ర గందరగోళం చెలరేగింది. చంద్రబాబు ప్రసంగిస్తుండగా తెలంగాణవాదులు వేదికపైకి చెప్పులు, రాళ్లు విసిరారు. వేదికపైకి బూటు విసిరిన తెలంగాణవాదికి తెలుగుదేశం పార్టీ కార్యకర్తలు దేహశుద్ధి చేసి, తరిమికొట్టారు. వేదిక వద్ద ఆందోళనకారులు కుర్చీలు విసిరారు. టిడిపి, తెలంగాణవాదులకు మధ్య ఘర్షణ వాతావరణం చోటు చేసుకుంది. గందరగోళం చెలరేగుతుండగానే చంద్రబాబు ప్రసంగిస్తూ వెళ్లారు. వేలాది మంది వచ్చిన సభలో ఐదుగురు అరాచాకాలు సృష్టిస్తున్నారని ఆయన విమర్శించారు. కొద్ది మంది సభను ఆపలేరని ఆయన అన్నారు. తమ పార్టీని ఎవరూ ఏమీ చేయలేరని ఆయన అన్నారు. తాము ఎవరికీ భయపడబోమని ఆయన అన్నారు. దాడులకు భయపడే ప్రశ్నే లేదని ఆయన అన్నారు. భయపడవద్దని ఆయన పార్టీ కార్యకర్తలకు సూచించారు. సభలో గొడవ చేయడం సరి కాదని ఆయన అన్నారు. తెలంగాణవాదులను పోలీసులు తరిమికొట్టారు.

సిగ్గుంటే తెలంగాణ రాష్ట్ర సమితి (తెరాస) రైతుల కోసం తాము చేస్తున్న పోరాటానికి మద్దతివ్వాలని ఆయన అన్నారు. రైతులకు తమ మద్దతు ఉంటుందని, చివరి రక్తంబొట్టు వరకు రైతుల కోసం పోరాడుతానని ఆయన అన్నారు. ఇప్పటికైనా తెరాస నాయకులు మారాలని, చేతనైతే ప్రజలను నమ్మించుకోవాలని ఆయన అన్నారు. తాను రైతుల కోసం వచ్చానని ఆయన అన్నారు. బస్సులు, కార్లు, ఆటోలు తగులబెట్టారని ఆయన ఆరోపించారు. టిడిపిని అంతం చేయాలనుకునే వారు మట్టిలో కొట్టుకుపోతారని ఆయన అన్నారు. కాంగ్రెసు ప్రభుత్వంపై ఆయన తీవ్రంగా ధ్వజమెత్తారు. తెరాస అధ్యక్షుడు కెసిఆర్ తాము పదవి ఇవ్వకపోతే బయటకు వచ్చి పార్టీ పెట్టారని, పదవి ఇస్తే పార్టీ పెట్టేవారు కారని ఆయన అన్నారు. తమ ప్రభుత్వ హయాంలోనే తెలంగాణ అభివృద్ధి జరిగిందని ఆయన చెప్పారు.

తెలంగాణకు వ్యతిరేకంగా తాను మాట్లాడలేదని ఆయన చెప్పారు. కాంగ్రెసు రాజకీయ లబ్ధి కోసం ప్రజారాజ్యం, వైయస్సార్ కాంగ్రెసును కలుపుకుని అక్కడ, తెరాసను కలుపుకుని ఇక్కడ తమ పార్టీని దెబ్బ తీయాలని చూస్తోందని ఆయన అన్నారు. తెలంగాణ కోసం పోరాడాలని ప్రోత్సహించానని, తాను ఎప్పుడూ వ్యతిరేకంగా చేయలేదని ఆయన అన్నారు. ప్రజారాజ్యం పార్టీ కాంగ్రెసు కంపులో కలిసిపోయిందని ఆయన అన్నారు. తెరాస కూడా రేపో ఎల్లుండో కాంగ్రెసులో కలిసిపోతామని అంటున్నారని ఆయన అన్నారు. సున్నితమైన అంశం మీద తాను చెప్పాల్సింది చెప్పానని ఆయన అన్నారు. తెలంగాణపై కాంగ్రెసు నిర్ణయం తీసుకుని అస్థిరతను తొలగించాల్సిన బాధ్యతను నిర్వర్తించాలని ఆయన అన్నారు. తెలంగాణకు వ్యతిరేకంగా తాను భవిష్యత్తులో కూడా మాట్లాడబోనని ఆయన అన్నారు. పార్టీని కాపాడి భావి తరాలకు అందించాలని మాత్రమే అనుకుంటున్నానని ఆయన అన్నారు.

English summary
Chappals were hurled at stage, while TDP president N Chandrababu Naidu was making speech at Palakurthi in Warangala district.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X