నర్సింగ్ ఇంటర్న్ ప్రియాంక మృతి, రెగీనా పరారీ

హైదరాబాద్: గత నెల 31వ తేదీన విషం తీసుకున్న ఉస్మానియా నర్సింగ్ స్కూల్‌కు చెందిన 22 ఏళ్ల నర్సింగ్ ఇంటర్న్ ప్రియాంక గురువారం మరణించింది. ట్యూటర్, ప్రిన్సిపాల్ వేధింపులు భరించలేక ప్రియాంక అత్మహత్య చేసుకున్నట్లు ఆరోపణలు వచ్చాయి. ఐదు రోజుల పాటు ఆమె వెంటిలేటర్ మీద ఉంది. ప్రియాంక మృతి కేసులో ప్రధాన నిందితురాలు రెగీనా సలోమీ పరారీలో ఉంది. ప్రియాంక భర్త శ్రీను, ప్రియాంక స్యూసైడన్ నోట్ ఆధారంగా పోలీసులు కేసు నమోదు చేశారు. ప్రిన్సిపాల్ గ్లోరియా సంపూర్ణ వైద్య, ఆరోగ్యాధికారి ముందు లొంగిపోయారు.

కాగా, ప్రియాంక మృతితో నర్సింగ్ స్కూల్ విద్యార్థులు ఆందోళనకు దిగారు. ప్రియాంక మృతి కేసులో న్యాయం జరగకపోతే తమ ఆందోళనను ఉధృతం చేస్తామని హెచ్చరించారు. నర్సింగ్ హాస్టల్ వద్ద సెక్యూరిటీ గార్డులను నియమిస్తామని, సమస్యలను విన్నవించుకోవడానికి ఫిర్యాదుల బాక్స్ ఏర్పాటు చేస్తామని, ప్రియాంక కుటుంబానికి చెందిన ఇద్దరికి ఉద్యోగాలిస్తామని ఆస్పత్రి సూపరింటిండెంట్ డాక్టర్ కె. రామదాసు రాతవూర్వకమైన హామీ ఇచ్చారు. దీంతో విద్యార్థినులు శాంతించారు. ప్రియాంక కుటుంబ సభ్యులకు రూ. 20 లక్షల నష్టపరిహారం ఇస్తామని కూడా రామదాసు హామీ ఇచ్చారు.

రెగీనా పదవీ విరమణ చేశారని, దాంతో ఆమె ఆచూకీ లభించడం లేదని, ప్రియాంక విషం తీసుకున్నప్పటి నుంచి ఆమె కనిపించడం లేదని, ఇంట్లో కూడా లేదని, రిటైర్మెంట్ బెనిఫిట్స్ కోసం వచ్చినప్పుడు అరెస్టు చేస్తామని పోలీసులు అధికారులు చెబుతున్నారు.

English summary

The 22-year-old nursing intern at the Osmania School of Nursing, S. Priyanka, who consumed poison on December 31 because she was unable to bear the harassment of her tutor and her principal, was declared dead on Thursday morning at Osmania General Hospital where she had been on ventilator support for five days.