పెళ్లి కాకముందే కలిసున్నారని యువజంట దారుణహత్య

బమాకో: ఉత్తర మాలిలో పెళ్లి కాకుండా కలిసి ఉంటున్న ఒక జంటను అల్ కాయిదాతో సంబంధమున్న ఇస్లాం ఛాందసవాదులు రాళ్లలో కొట్టి చంపేశారు. దీనిని ఈ ప్రాంతంలో షరియా చట్టం ప్రకారం విధించిన మొట్టమొదటి మరణశిక్షగా భావిస్తున్నారు. ఆల్జీరియా సరిహద్దుల్లో కిడాల్ ప్రాంతంలోని అగుయెల్‌హోక్ అనే పట్టణంలో ఈ సంఘటన జరిగినట్లు ప్రత్యక్ష సాక్షి అయిన ప్రభుత్వ అధికారి ఒకరు తెలిపారు.

రాళ్ల దెబ్బలకు ఆ మహిళ కొద్దిసేపటికే సొమ్మసిల్లగా, కొంచెం సేపు కేకలు పెట్టి ఆ యువకుడు కూడా సృహ తప్పాడని ఆయన వెల్లడించారు. ఆ జంటకు ఇద్దరు పిల్లలు కూడా ఉన్నట్లు ఆయన తెలిపారు. దేశ ఉత్తర ప్రాంతాన్ని స్వాధీనం చేసుకున్న ఇస్లాం ఛాందసవాదులు మాలి తాత్కాలిక ప్రభుత్వానికి సవాలు విసురుతున్నారు.

ఆ జంట మృతదేహాలు వారి మెడ వరకు కాలి ఉన్నాయి. దుండగులు ఆ జంటను అగ్యూలోక్‌ నగరం మధ్యలోకి లాక్కొచ్చారని న్యూయార్క్ టైమ్స్ తెలిపింది. ఈ ఘటన జరిగినప్పుడు తాను అక్కడే ఉన్నానని ఓ స్థానిక ప్రభుత్వ ఉద్యోగి చెప్పారు. వారిని రాళ్లతో కొట్టి చంపారని, ఇది చాలా భయంకరమైన చర్య అని అతను పేర్కొన్నాడు.

దాడి జరుగుతుండగా ఆ యువతి ఏడుస్తుండగా, యువకుడు అరిచాడని, ఇది మానవత్వం లేని చర్య అని, వారిని జంతువుల్లా చంపారని చెప్పాడు. వందలమంది ఉండగా వారిని చంపేశారని ఆతను చెప్పాడు.