• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

దుమ్ము దులిపే నిర్ణయం: తెలంగాణపై ఎంపి పాల్వాయి

By Srinivas
|

Palvai Govardhan
న్యూఢిల్లీ: ఆంధ్ర ప్రదేశ్ రాష్ట్ర విభజన వ్యతిరేకిస్తున్న మంత్రులు, ఎమ్మెల్యేలు, పార్లమెంటు సభ్యుల దుమ్ము దులిపేలా కేంద్ర ప్రభుత్వం ఆ అంశంపై నిర్ణయం తీసుకుంటుందని కాంగ్రెసు పార్టీ సీనియర్ నేత, రాజ్యసభ సభ్యుడు పాల్వాయి గోవర్ధన్ రెడ్డి మంగళవారం అన్నారు. ప్రత్యేకాంధ్ర ఏర్పడితే అది అభివృద్ధిలో మరో పంజాబ్ అవుతుందని ఆయన తెలిపారు. ఆంధ్ర ఐకాస ఆధ్వర్యంలో మంగళవారం జంతర్‌ మంతర్ వద్ద నిర్వహిస్తున్న నిరాహార దీక్ష శిబిరాన్ని ఎంపిలు పాల్వాయి గోవర్ధన్‌ రెడ్డి, రాపోలు ఆనంద భాస్కర్ తదితరులు సందర్శించి సంఘీభావం తెలిపారు. ఆంధ్ర ఐకాస అధ్యక్షుడు సుంకర కృష్ణమూర్తి, జై ఆంధ్ర నాయకుడు వసంత నాగేశ్వరరావు, నూతక్కి వెంకట సత్యనారాయణ బృందం ఆధ్వర్యంలో ఈ నిరశన దీక్ష జరుగుతోంది.

ఈ సందర్భంగా వారంతా.. జై ఆంధ్ర ఉద్యమంలో అసువులు బాసిన 400 మంది ఉద్యమకారులకు, కాకాని వెంకటరత్నానికి నివాళులు అర్పించారు. ఆంధ్రప్రదేశ్‌ను రెండు రాష్ట్రాలుగా విభజించాలని డిమాండ్ చేశారు. ప్రత్యేకాంధ్ర ఉద్యమానికి తమ సంపూర్ణ మద్దతు ఉంటుందని పాల్వాయి చెప్పారు. ఆంధ్రప్రదేశ్ ఏర్పాటుతో తెలంగాణ వనరులన్నీ ఆంధ్ర, కర్ణాటక, మహారాష్ట్రలకు వెళ్లిపోయాయని, తర్వాత తెలంగాణను పాలకులు పట్టించుకోలేదని, కాబట్టే ప్రత్యేక రాష్ట్ర ఏర్పాటు ఆకాంక్ష బలపడిందని చెప్పారు. నిజానికి ప్రత్యేక ఆంధ్ర ఏర్పడితే పంజాబ్‌లాగా బాగా అభివృద్ధి చెందుతుందని, అందుకు అవసరమైన అన్ని వనరులు అక్కడ ఉన్నాయని అన్నారు.

ధాన్యం ఉత్పత్తి, హోటళ్లు, పరిశ్రమలు మరింత పెరుగుతాయన్నారు. ప్రపంచబ్యాంకు రుణాలు పొందిన తెలంగాణ ప్రాజెక్టులు ఇప్పటికీ పూర్తికాలేదని, ఇంజనీర్లు, అధికారులు, పాలకుల తప్పుడు నిర్ణయాల వల్లే ఇలా జరిగిందన్నారు. ఆంధ్ర, తెలంగాణల్లో భూముల్ని సస్యశ్యామలం చేసేందుకు గోదావరిపై 13 ప్రాజెక్టులు ఏర్పాటు చేస్తే 3 వేల మెగావాట్ల విద్యుత్ కూడా ఉత్పత్తి అవుతుందన్నారు. కలిసి ఉంటే వైషమ్యాలు పెరుగుతాయని రాపోలు ఆనందభాస్కర్ హెచ్చరించారు.

విడిపోవాలన్నదే ఇరు ప్రాంతాల ప్రజల ఆకాంక్ష అని, దీన్ని గుర్తించకుండా వ్యక్తిగత పబ్బం గడుపుకొనేందుకు ప్రయత్నిస్తే ప్రజల్లో ఆగ్రహావేశాలు పెరుగుతాయన్నారు. కాగా.. ప్రత్యేకాంధ్ర రాజధాని ఏర్పడే వరకూ హైదరాబాద్‌ను కేంద్రపాలిత ప్రాంతంగా ఉంచాలని వసంత నాగేశ్వరరావు డిమాండ్ చేశారు. తొలుత ఆంధ్ర రాష్ట్ర రాజధానిలో అన్ని మౌలిక సదుపాయాలు ఏర్పాటు చేయడంపై ప్రభుత్వాలు దృష్టి పెట్టాలని కోరారు. ప్రత్యేకాంధ్ర కోసం తాము 1972 నుంచే పోరాడుతున్నామని గుర్తుచేశారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Congress party senior leader and Rajyasabha Member Palvai Goverdhan Reddy said that central government will solve Telangana issue soon.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more