• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కెవిపికి అన్నీ తెలుసు ఐనా: సిబిఐపై శంకరన్న ఫిర్యాదు

By Srinivas
|

Shankar Rao
హైదరాబాద్: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి అక్రమాస్తులు, ఓబుళాపురం గనుల కేసులపై సెంట్రల్ బ్యూరో ఆఫ్ ఇన్వెస్టిగేషన్(సిబిఐ) దర్యాప్తు జరుపుతున్న తీరుపై మాజీ మంత్రి శంకర్‌రావు తీవ్ర తీవ్ర అసంతృప్తి వ్యక్తం చేశారు. సిబిఐ విచారణ తీరు సరిగా లేదంటూ.. కేంద్ర విజిలెన్స్ కమిషన్ (సివిసి)కి ఫిర్యాదు చేశారు. సిబిఐ దర్యాప్తు తీరును వివరిస్తూ సివిసికి ఆయన బుధవారం లేఖ రాశారు.

జగన్ సంపాదన, ఆయన ఆస్తుల గురించి రాష్ట్ర భద్రతా కమిటీ అధ్యక్షుడిగా, ప్రభుత్వ సలహాదారుగా ఉన్న కెవిపి రామచంద్ర రావుకు అన్నీ తెలుసునని, ఈ మొత్తం వ్యవహారాలు ఆయన కనుసన్నల్లోనే జరిగాయని, కానీ... కెవిపిని సిబిఐ ఇప్పటిదాకా ఒక్కసారి కూడా పిలిచి ప్రశ్నించలేదని శంకర రావు తన ఫిర్యాదులో తెలిపారు. అలాగే... ప్రస్తుత హోంమంత్రి, నాటి గనుల మంత్రి సబితా ఇంద్రా రెడ్డిని నిందితురాలిగా కాకుండా, కేవలం సాక్షిగా మాత్రమే పేర్కొనడంపై అభ్యంతరం వ్యక్తం చేశారు.

ఈ కేసుల దర్యాప్తులో సిబిఐ పనితీరు ఏమాత్రం బాగాలేదని, దీనిపై దృష్టి సారించి, నిష్పాక్షిక దర్యాప్తు జరిగేలా తగిన ఆదేశాలు జారీ జారీ చేయాలని శంకర రావు సివిసిని కోరారు. కాగా సిబిఐ జెడి లక్ష్మీ నారాయణ ఆధ్వర్యంలో జగన్ ఆస్తులు, గాలి జనార్ధన్ రెడ్డి ఓఎంసి, ఎమ్మార్ తదితర కేసులను సిబిఐ దర్యాఫ్తు చేస్తున్న విషయం తెలిసిందే.

English summary
Former minister Shankar Rao has demanded CBI to enquiry of KVP Ramachandra Rao in YSR Congress party chief and Kadapa MP YS Jaganmohan Reddy's assets case.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X