• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

క్లియర్: జగన్‌తో దోస్తీకి అసదుద్దీన్ ఓవైసీ రెడీ

By Pratap
|
YS Jagan-Asaduddin Owaisi
హైదరాబాద్: వైయస్సార్ కాంగ్రెసు పార్టీ అధినేత వైయస్ జగన్‌తో దోస్తీ కట్టడానికే మజ్లీస్ అసదుద్దీన ఓవైసీ కాంగ్రెసుతో తెగదెంపులు చేసుకున్నట్లు అర్థమవుతోంది. ఆయన ఓ ఆంగ్ల దినపత్రికకు ఇచ్చిన ఇంటర్వ్యూలో వెల్లడించిన విషయాలు ఆ విషయాన్ని స్పష్టం చేస్తున్నాయి. ఆయన మాటల్లోనే చెప్పాలంటే, కాంగ్రెసు పార్టీ పరిస్థితి రాష్ట్రంలో ఏ మాత్రం బాగా లేదు. ఈ స్థితిలో ఆయన తన పార్టీని విస్తరించుకోవడానికి వీలుగా వైయస్ జగన్‌తో కలిసి నడవడానికి సిద్ధపడినట్లు అర్థమవుతోంది.

వైయస్ రాజశేఖర రెడ్డి మరణం తర్వాత ముస్లింలను పట్టించుకునేవారు లేకుండా పోయారని ఆయన అన్నారు. భాగ్యలక్ష్మి ఆలయం వివాదం ఒక్కటే తాము తెగదెంపులు చేసుకోవడానికి కారణం కాదని, 80 లక్షల మంది ముస్లింల ప్రయోజనాల కోసం ఆ పనిచేశామని ఆయన ఆ ఆంగ్ల దినపత్రికకు ఇచ్చిన ఇంటర్వ్యూలో చెప్పారు. ఫీజు రీయంబర్స్‌మెంట్‌లో కిరణ్ కుమార్ రెడ్డి ప్రభుత్వం ముస్లిం విద్యార్థులకు అన్యాయం చేసిందని విమర్శించారు.

అమాయక ముస్లింలపై పోలీసుల వేధింపులు పెరిగాయని ఆయన విమర్శించారు. మహావీర్ ఆస్పత్రి స్థలం కోసమే వివాదాన్ని ముందుకు తెచ్చినట్లు వస్తున్న విమర్శలను ఆయన కొట్టిపారేశారు. దానిపై కూడా ఆయన వివరణ ఇచ్చారు. ముఖ్యమంత్రి కార్యాలయం ఎంపిక చేసి సమాచారాన్ని లీక్ చేస్తోందని ఆయన విమర్శించారు. దారుసలాం మెడికల్ ఎడ్యుకేషన్ ట్రస్టు ఆ స్థలం కోసం పెట్టుకున్న దరఖాస్తును వెనక్కి తీసుకుందని ఆయన చెప్పారు.

పట్టపగలు తన సోదరుడు, శాసనసభ్యుడు అక్బరుద్దీన్ ఓవైసీపై గుండాలు దాడి చేశారని ఆయన ఆరోపించారు. చాంద్రాయణగుట్టలోని వంద ఎకరాల ప్రభుత్వ భూమిని తాము రక్షిస్తున్న క్రమంలోనే ఆ దాడి జరిందని ఆయన ఆరోపించారు. 2010 నుంచి కిరణ్ కుమార్ రెడ్డి ముస్లింలకు వ్యతిరేకంగా వ్యవహరిస్తున్నారని, కిరణ్ కుమార్ రెడ్డి లౌకిక వాద కారని ఆయన అన్నారు. కాంగ్రెసుతో తెగదెంపులు చేసుకోవడం వల్ల బిజెపి వంటి మతతత్వ పార్టీలు లాభపడే అవకాశం ఎంత మాత్రమూ లేదని ఆయన అన్నారు.

ఆయన మాటలను బట్టి వైయస్ జగన్‌తో దోస్టీ కట్టడానికి అసదుద్దీన్ ఓవైసీ సిద్దపడినట్లు అర్థమవుతోంది. రాష్ట్రంలో కాంగ్రెసు పరిస్థితి తీసికట్టుగా ఉందనే విషయం అందరికీ తెలిసిన విషయమే. ఈ స్థితిలో కాంగ్రెసుతో తెగదెంపులు చేసుకోవడమే మంచిదనే నిర్ణయానికి వచ్చి వ్యవహరించినట్లు చెబుతున్నారు. వైయస్ రాజశేఖర రెడ్డి ప్రభుత్వ హయాంలో ముస్లింల కోసం జరిగిన మేళ్లను ఆయన వివరించారు. కిరణ్ కుమార్ రెడ్డి కొన్ని పథకాలను ఎలా పట్టించుకోలేదో చెప్పారు. ఇదంతా జగన్‌తో అధికారికంగా దోస్తీ కట్టడానికి అవసరమైన పూర్వరంగాన్ని సిద్ధం చేసుకోవడమేనని అంటున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

హైదరాబాద్ యుద్ధ క్షేత్రం
  • Asaduddin Owaisi (AIMIM)
    అసదుద్దీన్ ఒవైసీ (ఏఐఎంఐఎం)
    జమీందార్ పార్టీ
  • Dr. Bhagwanth Rao
    డా. భగవంత్ రావు
    భారతీయ జనతా పార్టీ

English summary
The MajliseIttehadul Muslimeen party broke ties with the ruling Congress for the benefit of the 80 lakh Muslims in the state, said MIM chief Asaduddin Owaisi, adding, the Bhagyalakshmi temple issue was not the main reason.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more