• search
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

బొట్టు ఎందుకు: విజయమ్మకు క్రైస్తవ సంఘాల ప్రశ్న

By Pratap
|
YS Vijayamma
హైదరాబాద్: రాజకీయ సభలకు వైయస్సార్ కాంగ్రెసు పార్టీ గౌరవాధ్యక్షురాలు వైయస్ విజయమ్మ బైబిల్‌ను చేతిలో పట్టుకుని వెళ్లడం సరైంది కాదని తెలంగాణ క్రైస్తవ సంఘం అభ్యంతరం వ్యక్తం చేసింది. క్రైస్తవ సంఘాల నేతలు శుక్రవారం హైదరాబాద్‌లోని మీడియా ప్రతినిధులతో మాట్లాడారు. వైయస్ రాజశేఖర్ రెడ్డి క్రైస్తవులకు చేసిందేమీ లేదని, వైయస్ కుటుంబ స్వప్రయోజనాల కోసం క్రైస్తవులను వాడుకున్నారని విమర్శించారు.

ప్రస్తుతం వైయస్ బాటలోనే విజయమ్మ నడుస్తున్నారని అన్నారు. ఆమె అసలైన క్రిస్టియన్ అయితే నుదుటన బొట్టు ఎందుకు పెట్టుకొంటారని ప్రశ్నించారు. చేతిలో బైబిల్ పట్టుకొని రాజకీయ సభలకు వెళ్లడం, పూజలు చేయడం తమ మతాన్ని అగౌరవపరచడమేనని తెలిపారు. క్రైస్తవులకు మేలు చేస్తానని చెబుతూనే వైయస్ రాజశేఖర్‌రెడ్డి చర్చిల స్థలాలను అక్రమించి తన కుటుంబానికి ఇచ్చారని వారు ఆరోపించారు. జగన్ కూడా క్రైస్తవులకు ఏమీ చేయలేదని, భవిష్యత్తులో చేసే అవకాశం లేదని కూడా వారన్నారు.

వైయస్ కుటుంబం తమకు ఇబ్బందిగా మారిందని అన్నారు. వైయస్ హయాంలో క్రైస్తవులకు వ్యతిరేకంగా వచ్చిన 746, 747 జీవోల వల్ల 600 మంది పాస్టర్లు జైలు పాలయ్యారన్నారు. పైగా ఆయన ఒక్క క్రైస్తవుడికి కూడా అసెంబ్లీ టిక్కెట్లు ఇవ్వలేదన్నారు. క్రిస్మస్‌ను రాష్ట్రపండుగగా ప్రకటించాలని, జనవరి 1ని ప్రభుత్వ సెలవుదినంగా ప్రకటించాలని డిమాండ్ చేశారు.

క్రైస్తవాన్ని వాడుకొని అవసరాలను తీర్చుకుంటున్నారే కానీ క్రైస్తవుల కోసం పార్టీలు ఏమీ చేయడంలేదని బిషప్ స్వామిదాస్ అన్నారు. బైబిల్ చేతిలో పట్టుకున్నంత మాత్రాన భక్తులు కాలేరని, పార్టీలు తమను వాడుకొని వదిలేస్తున్నాయని ఆయన అన్నారు. క్రిస్టియన్ మైనార్టీ కార్పొరేషన్‌ను పెట్టినా దానికి ఇప్పటివరకు చైర్మన్‌ను నియమించలేదన్నారు. కేసీఆర్, దేశపతి శ్రీనివాస్ సూర్యాపేట సభలో చేసిన వ్యాఖ్యలను తాము తీవ్రంగా ఖండిస్తున్నామన్నారు. వారు తమ వ్యాఖ్యలను ఉపసంహరించుకోవడంతో పాటు బహిరంగంగా క్షమాపణ చెప్పాలని డిమాండ్ చేశారు.

ప్రార్థనల పేరుతో బ్రదర్ అనిల్ లక్షలాది రూపాయాలు వసూలు చేశారని మక్తయ్య అన్నారు. ఆల్ ఇండియా ఇండిపెండెంట్ చర్చెస్ యూనియన్ జాతీయ అధ్యక్షులు బిషప్ ఆర్. హ్యారి సెబాస్టియన్, స్వామిదాస్, డేనియల్ ఆడమ్స్, తెలంగాణ క్రైస్తవ సంఘాల సమాఖ్యకు చెందిన జెరూసలెం మత్తయ్య తదితరులు మాట్లాడారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని ys vijayamma వార్తలుView All

English summary
Telangana Christian Associations have opposed YSR Congress party honorary president YS Vijayamma for using Bible in political meetings. They said Vijayamma is acting against Christianity.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more