• search
విజయవాడ వార్తల కోసం
నోటిఫికేషన్స్ పై క్లిక్ చేయండి  

జగన్‌ని అంటే చంపేస్తాం: బెజవాడ టిడిపి నేతకి బెదిరింపు

By Srinivas
|
Rajendra Prasad
విజయవాడ: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డిని ఏమైనా అంటే చంపేస్తామంటూ తెలుగుదేశం పార్టీ సీనియర్ నేత, శాసనమండలి సభ్యుడు రాజేంద్ర ప్రసాద్‌కు బెదిరింపు లేఖలు, ఫోన్ కాల్స్ వచ్చాయి. తనకు బెదిరింపులు వస్తున్నాయని రాజేంద్ర ప్రసాద్ మంగళవారం విజయవాడ నగర పోలీసు కమిషనర్‌కు ఫిర్యాదు చేశారు.

తనకు గత నెల 17వ తేదిన, 31వ తేదిన బెదిరింపు కాల్స్ వచ్చాయని రాజేంద్ర ప్రసాద్ సిపికి చేసిన ఫిర్యాదులో పేర్కొన్నారు. బెదిరింపు లేఖలు, ఫోన్ కాల్స్ వస్తున్న నేపథ్యంలో తనకు భద్రత పెంచాలని ఆయన విజ్ఞప్తి చేశారు. రాజేంద్ర ప్రసాద్‌తో పాటు జిల్లా టిడిపి అధ్యక్షుడు దేవినేని ఉమామహేశ్వర రావు, పట్టణ అధ్యక్షుడు వల్లభనేని వంశీమోహన్‌లు వెంట వచ్చి కమిషనర్‌కు ఫిర్యాదు చేశారు.

కాగా ఇటీవల వల్లభనేని వంశీ తనను దేవినేని టార్గెట్ చేసుకున్నారని చెప్పిన విషయం తెలిసిందే. తనను దేవినేని టార్గెట్ చేశారని వల్లభనేని వంశీ ఆరోపించడంతో బెజవాడ రాజకీయాలు ఒక్కసారిగా వేడెక్కాయి. గుణదలలో పట్టు కోసం వంశీ, దేవినేని ప్రయత్నాలు చేస్తున్నారు. ఇందులో భాగంగా వంశీ ఒకటో డివిజన్‌లో పార్టీ కార్యాలయాన్ని ప్రారంభించారు. ఆ సమయంలో ఓ వ్యక్తి రహస్యంగా వంశీ, ఆయన అనుచరుల కదలికలపై వీడియో తీశారట. వంశీయే స్వయంగా ఈ ఆరోపణలు చేశారు.

వంశీ, ఆయన అనుచరుల ఉనికిని పసిగట్టేందుకే దేవినేని ఈ వీడియోలు రహస్యంగా తీయించి ఉంటారని వంశీ వర్గం ఆరోపిస్తోంది. కార్యాలయం ప్రారంభోత్సవంలో ప్రయివేటు వ్యక్తులు తీయడాన్ని వారు ప్రశ్నిస్తున్నారు. అతను సందేహంగా వీడియో తీస్తుండటంతో వంశీ అనుచరులే పట్టుకొని ప్రశ్నించారు. పోలీసులు తీయమని చెప్పారని చెప్పాడు. పోలీసులు మాత్రం తమకేమీ తెలియదంటున్నారు. దీంతో దేవినేనిపై వంశీ అనుమానాలు వ్యక్తం చేస్తున్నారు.

నెహ్రూ తనను హత్య చేయించేందుకు తన కదలికలపై నిఘా పెట్టి వీడియోలు తీయిస్తున్నాడని వంశీ ఆరోపిస్తున్నారు. ఓ అపరిచత వ్యక్తి వచ్చి సందేహాస్పదంగా వీడియో తీయడం కనిపించిందని, తాము ఎటు వెళితే అటు ఆయన వస్తున్నారని, దీంతో అతనిని పట్టుకొని ప్రశ్నించామని, అరవ సత్యం తీయమని చెప్పాడని వంశీ అన్నారు. మొదట అతను మామూలుగా వీడియో వాళ్లలో కలిసిపోవడంతో గుర్తించలేదని, ఆ తర్వాత అనుమానాస్పదంగా కనిపించారని చెప్పారు. దీనిపై వంశీ పోలీసు స్టేషన్‌లో ఫిర్యాదు కూడా చేశారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

మరిన్ని విజయవాడ వార్తలుView All

English summary
Telugudesam Party MLC Rajendra Prasad has received threat calls and letters.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more