• search
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

కెసిఆర్‌కు సీట్ల పైనే దృష్టి: జగన్, కాంగ్రెస్‌పై నిప్పులు

By Srinivas
|
Ghulam Nabi Azad - K Chandrasekhar Rao
హైదరాబాద్: తెలంగాణ రాష్ట్ర సమితి అధ్యక్షుడు, మహబూబ్ నగర్ పార్లమెంటు సభ్యుడు కల్వకుంట్ల చంద్రశేఖర రావుకు సీట్ల సాధన పైనే మక్కువ ఎక్కువ అని సిపిఐ(మావోయిస్టు) ఉత్తర తెలంగాణ ప్రత్యేక జోనల్ కమిటీ అధికార ప్రతినిధి జగన్ ఆరోపించారు. మంగళవారం ఆయన ఓ ప్రకటన విడుదల చేశారు. తెలంగాణపై మరిన్ని సంప్రదింపుల కోసం మూడు ప్రాంతాల నేతలతో చర్చలుంటాయని చెప్పడం అధికార కాంగ్రెసు ఆడుతున్న చదరంగంలో మరో మోసపు ఎత్తుగడ అని ఆరోపించారు.

డిసెంబర్ 31 తర్వాత జనవరి 1 వస్తుందంటూ గవర్నర్ నరసింహన్ అతి తెలివితేటలు ప్రదర్శించినట్లే నెల అంటే 30 రోజులే కాదని చెబుతూ గులాం నబీ ఆజాద్ అధికార పార్టీ మోసకారితనాన్ని బయటపెట్టారన్నారు. కాంగ్రెస్ ఎత్తుగడలను తిప్పికొట్టాలని పిలుపునిచ్చారు. తెలంగాణ సాధన కోసం విద్యార్థులు, యువకులు, కార్మికులు, రైతులు, మహిళలు మిలిటెంట్ పోరాటాలు చేయాలన్నారు. ఆజాద్ ప్రకటనతో తెలంగాణ అంశాన్ని కోల్డ్ స్టోరేజ్‌లో పెట్టినట్లుగా కనిపిస్తోందన్నారు.

తెరాసను తన గూటికి చేర్చుకునేందుకు, వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిన తన దారికి తెచ్చుకునేందుకు, పాదయాత్ర చేస్తున్న తెలుగుదేశం పార్టీ అధ్యక్షుడు నారా చంద్రబాబు నాయుడును ఇరుకున పెట్టేందుకు ఎంపీలు లగడపాటి రాజగోపాల్, ఉండవల్లి అరుణ్ కుమార్‌లతో అధిష్టానం నాటకాలు ఆడిస్తోందన్నారు. తెలంగాణ కాంగ్రెస్ ఎంపీలకు నిజంగా చిత్తశుద్ధి ఉంటే రాజీనామాలను స్పీకర్‌కు పంపాలన్నారు.

ప్రజలను గందరగోళపర్చి విశ్వసనీయతను పెంచుకునేందుకు నిజామాబాద్ పార్లమెంటు సభ్యుడు మధు యాష్కీ ప్రయత్నిస్తున్నారన్నారు. లాబీయింగ్ అంటూ కెసిఆర్ తన ఫామ్‌హౌస్‌కు పరిమితం కావడమో, ఢిల్లీలో పడిగాపులు కాయడమో చేశాడని విమర్శించారు.

కెటిఆర్ నుంచి మధుయాష్కీ వరకూ రాహుల్ నాయకత్వంపై విశ్వసనీయత పెంచే ప్రయత్నాలు చేస్తున్నారని ఆగ్రహం వ్యక్తం చేశారు. లాబీయింగ్‌లో ఒంటరైన కెసిఆర్ ఇప్పుడు ఉద్యమం ఉంటున్నాడని మండిపడ్డారు. 2014 ఎన్నికల్లో ఎక్కువ స్థానాలు గెలుచుకోవడంపైనే తప్ప తెలంగాణ సాధనపై కెసిఆర్‌కు చిత్తశుద్ధి లేదన్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

English summary
Maoist Jagan lashes out at TRS chief K Chandrasekhar Rao and Congress Party leaders on Telangana issue.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more