వారికి డిపాజిట్లు గల్లంతే, జగన్ విజయం ఖాయం: రోజా
ఓ పక్కా కిరణ్ ప్రభుత్వానికి పాలించే అర్హత లేదంటున్న చంద్రబాబు అవిశ్వాసం పెట్టేందుకు ఎందుకు ముందుకు రావడం లేదో చెప్పాలన్నారు. చంద్రబాబుకు ఎన్నికల భయం పట్టుకుందా? లేక కిరణ్ సర్కారును కాపాడుతున్నారా? చెప్పాలన్నారు. అవిశ్వాసం పెట్టకుండా ఉండటానికి ఆ రెండు కారణాలే అన్నారు. రాష్ట్రంలో ఎన్నికలు ఎప్పుడు వచ్చిన జగన్ పార్టీ ఘన విజయం సాధిస్తుందన్నారు. సహకార ఎన్నికల్లో తామే ఎక్కువ స్థానాలు గెలుస్తామన్నారు.
సహకార రంగంలో దళితుల పట్ల కిరణ్ ప్రభుత్వం కపట ప్రేమ చూపిస్తోందని వైయస్సార్ కాంగ్రెసు పార్టీ నేత గొల్ల బాబూరావు విశాఖపట్నంలో విమర్శించారు. సహకార రంగంలో నేటికీ రిజర్వేషన్ల విధానాన్ని ప్రభుత్వం అవలంభించకపోవడం దురదృష్టకరం అన్నారు. సహకార రంగంలో స్వామినాథన్ సిఫార్సులు మొట్టమొదట అమలు చేసిన ఘనత దివంగత వైయస్ రాజశేఖర రెడ్డిదే అన్నారు.
వైయస్సార్ కాంగ్రెసు పార్టీ ప్రధాన కార్యాలయంలో నల్గొండ జిల్లా నేతలు సమావేశమయ్యారు. మరో మూడు రోజుల్లో షర్మిల పాదయాత్ర ప్రారంభం కానుంది. ఈ నేపథ్యంలో వారు జిల్లాలో షర్మిల పాదయాత్ర రూట్ మ్యాప్, ప్రణాళిక తదితర అంశాలపై చర్చించారు.