• search

షర్మిలా! సమాధానమేది?యాత్రలో వైఎస్ కన్నేసి: బిజెపి

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    NVSS Prabhakar
    హైదరాబాద్/గుంటూరు: వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి పైన, ఆయన సోదరి పైన భారతీయ జనతా పార్టీ మరోసారి విరుచుకు పడింది. బిజెపి అధికార ప్రతినిధి ఎన్‌విఎస్ఎస్ ప్రభాకర్ షర్మిలపై తీవ్రస్థాయిలో మండిపడ్డారు. తన సోదరుడు వైయస్ జగన్ అధికారంలోకి వస్తే రాజన్న రాజ్యం తీసుకు వస్తాడన్న షర్మిల వ్యాఖ్యలకు ఆయన కౌంటర్ ఇచ్చారు.

    రాజన్న రాజ్యం అంటే ఏమిటో చెప్పాలని ప్రశ్నించారు. పేదల భూములు లాక్కోవడం, దోచుకోవడం దాచుకోవడం, గిరిజనుల భూములను లాక్కోవడం, ఏడు కొండలను రెండు కొండలుగా చేయడం, గిరిజన భూములు లాక్కొని సమాధానం చెప్పక పోవడం.. ఇదే రాజన్న రాజ్యమా అని ఘాటుగా ప్రశ్నించారు. షర్మిల, వైయస్సార్ కాంగ్రెసు పార్టీలకు విశ్వసనీయత గురించి మాట్లాడే నైతిక హక్కు లేదన్నారు.

    షర్మిల, బ్రదర్ అనిల్ కుమార్‌ల ఆస్తులపై సెంట్రల్ బ్యూరో ఆఫ్ ఇన్వెస్టిగేషన్(సిబిఐ)తో విచారణ జరిపించాలని ప్రభాకర్ డిమాండ్ చేశారు. రక్షణ టివి పెట్టుబడులు నిగ్గు తేల్చాలన్నారు. గిరిజనుల భూములు లాక్కోవడంపై షర్మిల ఎందుకు సమాధానం చెప్పడం లేదని ప్రశ్నించారు. ఆస్తులపై తాము చేసిన ఆరోపణలకు షర్మిల ఎందుకు సమాధానం చెప్పడం లేదో తెలపాలని ఆయన డిమాండ్ చేశారు.

    జగన్, షర్మిలలపై తాము చేసిన ఆరోపణలు సరైనవి కాబట్టే వారు పెదవి విప్పడం లేదన్నారు. దివంగత వైయస్ రాజశేఖర రెడ్డి కట్టబెట్టిన భూముల్లో ఇప్పటికీ సెజ్‌లు రాలేదన్నారు. పాదయాత్ర సమయంలో భూములను గుర్తించిన వైయస్ అధికారంలోకి రాగానే వాటిని సేకరించారని నిప్పులు చెరిగారు.

    అగస్టా కుంభకోణం మూలాలు ఆంధ్రాలోనే

    అగస్టా హెలికాప్టర్ కుంభకోణం మూలాలు ఆంధ్ర ప్రదేశ్‌లోనే ఉన్నాయని భారతీయ జనతా పార్టీ సీనియర్ నేత వెంకయ్య నాయుడు గుంటూరు జిల్లాలో ఆరోపించారు. కేంద్రంలో లక్షల కోట్ల కుంభకోణం జరుగుతున్నాయన్నారు. సిబిఐ కాంగ్రెసు పార్టీ జేబు సంస్థగా మారిందని ఆరోపించారు. కుంభకోణాలకు పాల్పడుతున్న వారిని కేంద్రం రక్షిస్తోందన్నారు. హిందూ టెర్రరిజం వ్యాఖ్యలపై కేంద్ర హోంమంత్రి సుశీల్ కుమార్ షిండేను తాము నిలదీస్తామన్నారు.

    English summary
    BJP spokes person NVSS Prabhakar lashed out at YSR Congress Party chief YS Jaganmohan Reddy and his sister SHarmila again.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more