• search

టిడిపి, జగన్‌పార్టీ అసంతృప్తి: చేనేతని ప్రస్తావించని ఆనం

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Sobha Nagireddy - Yanamala Ramakrishnudu
    ఏలూరు/హైదరాబాద్: రానున్న కాలంలో రాష్ట్రం రెండు లక్షల కోట్ల రూపాయల అప్పులను మూటకట్టుకుంటుందని తెలుగుదేశం పార్టీ సీనియర్ నేత, మాజీ మంత్రి యనమల రామకృష్ణుడు సోమవారం తూర్పు గోదావరి జిల్లాలో విమర్శించారు. 2013-14 బడ్జెట్‌తో సంక్షేమం కన్నా సంక్షోభం పెరిగే అవకాశాలే ఎక్కువగా ఉన్నాయన్నారు. స్థూల ఉత్పత్తిలో ద్రవ్య లోటును ఏవిధంగా పూడుస్తారో చెప్పాలని ప్రభుత్వాన్ని ఆయన డిమాండ్ చేశారు.

    బడ్జెట్ ఈసురుమంటోందన్నారు. క్రమంగా ఆర్థిక అభివృద్ధి రేటు పడిపోతోందన్నారు. అప్పులు మరింత పెరిగే అవకాశాలు ఉన్నాయన్నారు. ద్రవ్యోల్భణానికి అనుగుణంగా బడ్జెట్ పెరగలేదన్నారు. క్రమంగా అప్పులు పెరిగి వృద్ధి రేటు తగ్గుతోందని, అలాంటప్పుడు ప్రజలు సంతోషంగా ఎలా ఉంటారని యనమల ప్రశ్నించారు.

    ప్రచారం కోసమే రైతు బడ్జెట్ అంటూ ప్రభుత్వం మోసం చేసిందని టిడిపి నేత పయ్యావుల కేశవ్ ఆరోపించారు. ప్రభుత్వం మోసపూరిత విధానాలకు నిరసనగా సభ నుంచి వాకౌట్ చేసినట్లు చెప్పారు. కొత్త విషయాలు ఏమీ చెప్పకుండా కేవలం కాగితాలపై లెక్కలు చూపించారన్నారు. ఖర్చులు, వ్యయానికి సంబంధించి ఎలాంటి స్పష్టత లేదన్నారు.

    బడ్జెట్ పేరుతో తప్పుదోవ పట్టిస్తున్నారు

    వ్యవసాయానికి ప్రత్యేక బడ్జెట్ పేరుతో ప్రజలను మభ్యపెట్టే ప్రయత్నాలు అధికార పార్టీ చేస్తోందని వైయస్సార్ కాంగ్రెసు పార్టీ ఎమ్మెల్యే శోభా నాగిరెడ్డి అన్నారు. రైతులను తప్పుదోవ పట్టించే ప్రయత్నాలు చేస్తున్నారన్నారు.

    చేనేతను ప్రస్తావించని ఆనం

    ఈ రోజు శాసనసభలో బడ్జెట్‌ను ప్రవేశ పెట్టిన ఆర్థిక శాఖ మంత్రి ఆనం రామనారాయణ రెడ్డి తన బడ్జెట్ ప్రసంగంలో చేనేత రంగాన్ని ప్రస్తావించలేదు. రాష్ట్రంలో వ్యవసాయ రంగం తర్వాత చేనేత రంగం ఉంది. అలాంటి చేనేత రంగం ఆనం రామనారాయణ రెడ్డి ప్రస్తావించలేదు.

    చిన్న, మధ్య తరగతి పరిశ్రమల ఊసేది

    ఎన్నికలకు ముందు ఈ బడ్జెట్ ఓ అంకెల గారడి అని ఫ్యాప్సీ పేర్కొంది. బడ్జెట్‌లో చిన్న, మధ్య తరగతి పరిశ్రమల ఉసేదని ప్రశ్నించింది. బడ్జెట్‌లో పరిశ్రమలకు ప్రోత్సాహం ఏదన్నారు.

    English summary
    The opposition on Monday slammed the State and Agriculture budget. TDP, YSRCP and TDP are not satisfied with budget.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more