• search

వేటేయండి!: జగన్ వర్గ ఎమ్మెల్యేలపై ఆజాద్ సీరియస్

By Srinivas
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Ghulam Nabi Azad - YS Jagan
    హైదరాబాద్/న్యూఢిల్లీ: అవిశ్వాస తీర్మానం సమయంలో గీత దాటిన ఎమ్మెల్యేల పైన ఎలాంటి ఉపేక్ష వద్దని కేంద్రమంత్రి, ఆంధ్రప్రదేశ్ కాంగ్రెసు పార్టీ రాష్ట్ర వ్యవహారాల ఇంఛార్జ్ గులాం నబీ ఆజాద్ సూచించినట్లుగా తెలుస్తోంది. ప్రదేశ్ కాంగ్రెసు కమిటీ అధ్యక్షుడు, రవాణా శాఖ మంత్రి బొత్స సత్యనారాయణ ఢిల్లీలో ఆజాద్‌ను కలిశారు. గీత దాటి వైయస్సార్ కాంగ్రెసు పార్టీ అధ్యక్షుడు, వైయస్ జగన్మోహన్ రెడ్డికి మద్దతు పలికిన ఎమ్మెల్యేల విషయమై ఆయన ఆజాద్‌తో చర్చించారు.

    అవిశ్వాస తీర్మానం సమయంలో విప్ ధిక్కరించి మరీ వారు ప్రభుత్వానికి వ్యతిరేకంగా ఓటు వేశారని ఆజాద్‌తో చెప్పారు. వారిపై వేటు వేసి ఉప ఎన్నికలకు వెళ్తేనే మంచిదని ఆయన అభిప్రాయపడ్డారు. గీత దాటిన ఎమ్మెల్యేలపై ఆజాద్ కూడా సీరియస్‌గానే ఉన్నారు. జగన్‌కు మద్దతుగా ప్రభుత్వానికి వ్యతిరేకంగా ఓటు వేసిన వారిని ఉపేక్షించవద్దని, వారిపై వేటు వేయాలని బొత్సకు సూచించారు.

    బొత్స సత్యనారాయణ హైదరాబాద్ బయలుదేరారు. ఆయన రాగానే సిఎల్పీ గీత దాటిన ఎమ్మెల్యేల పైన సభాపతి నాదెండ్ల మనోహర్‌కు ఫిర్యాదు చేసే అవకాశాలు ఉన్నాయి. ఇటీవల జరిగిన అవిశ్వాస తీర్మానం సమయంలో తొమ్మిది మంది అధికార పార్టీ ఎమ్మెల్యేలు జగన్‌కు మద్దతు పలికిన విషయం తెలిసిందే.

    తొమ్మిది మందిపై వేటు వేసి ఉప ఎన్నికలకు సిద్ధంగా ఉండాలని ఆజాద్ పిసిసి చీఫ్‌కు సూచించారు. బొత్స కూడా ఇప్పటికే హైదరాబాదులో ఉన్న నేతలకు వేటు విషయమై సంకేతాలు పంపారట. ఉప ఎన్నికలకు సిద్ధంగా ఉండాలని క్యాడర్‌ను ఆదేశించినట్లుగా తెలుస్తోంది.

    English summary
    It is said that Central Minister and State Congress Party incharge Ghulam Nabi Azad very serious on YSR Congress Party chief YS Jaganmohan Reddy camp MLAs.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more