• search

ధర్నా: రేణుకా చౌదరి నాలుక కోస్తామని హెచ్చరిక

By Pratap
Subscribe to Oneindia Telugu
For Quick Alerts
ALLOW NOTIFICATIONS
For Daily Alerts
    Renuka Choudhary
    హైదరాబాద్: తెలంగాణలో జరిగిన యువకుల ఆత్మహత్యలపై అనుచిత వ్యాఖ్యలు చేసిన కాంగ్రెసు పార్లమెంటు సభ్యురాలు రేణుకా చౌదరిపై తెలంగాణవాదులు మండిపడుతున్నారు. తెలంగాణ అమరవీరుల త్యాగాలపై నోటికొచ్చినట్లు మాట్లాడిన రేణుకా చౌదరి నాలుక కోస్తామని తెలంగాణ అమరవీరుల కుటుంబాలు హెచ్చరించాయి.

    హైదరాబాదులోని రేణుకా చౌదరి నివాసం ముందు అమరవీరుల కుటుంబ సభ్యులు బుధవారం ధర్నా చేశారు. నోరు ఉందని ఇష్టం వచ్చినట్లు మాట్లాడితే తీవ్ర పరిణామాలుంటాయని వారు హెచ్చరించారు. అమరవీరులపై చేసిన వ్యాఖ్యలను వెనక్కి తీసుకోవాలని వారు రేణుకా చౌదరిని డిమాండ్ చేశారు. తాను చేసిన వ్యాఖ్యలకు రేణుకా చౌదరి బహిరంగ క్షమాపణ చెప్పకపోతే ఆమె ఎక్కడికి వెళ్తే అక్కడ చెప్పులతో, చీపుర్లతో తగిన శాస్తి చేస్తామని వారన్నారు.

    కాంగ్రెసు నాయకులు వాయలార్ రవి, గులాం నబీ ఆజాద్, రేణుకా చౌదరిలకు తెలంగాణ అమరులపై మాట్లాడే హక్కు లేదని తెలంగాణ రాష్ట్ర సమితి (తెరాస) శాసనసభ్యుడు కెటి రామారావు అన్నారు. తెలంగాణ అమర వీరులను కించపరిస్తే సహించేది లేదని ఆయన బుధవారంనాడు అన్నారు.

    తెలంగాణ ఉద్యమంలో మరణించినవారంతా ఆత్మబలిదానాలు చేసుకోలేదని, రోగాలు వచ్ిచ మరణించారని రేణుకా చౌదరి సోమవారంనాడు వ్యాఖ్యానించారు. ఈ వ్యాఖ్యలను పాల్వాయి గోవర్ధన్ రెడ్డి వంటి కాంగ్రెసు నాయకులు కూడా తప్పు పడుతున్నారు. రేణుకా చౌదిరిది తెలంగాణ కాదని, ఆంధ్రప్రాంతమని ఆయన అన్నారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    
 Telangana martyrs families staged dharna in front of the Congress Rajyasabha member Renuka Choudhary opposing her comments on suicides in Telangana.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more