అందమైన అమ్మాయిలను ఎరగా వేసి బ్లాక్‌మెయిల్

By Srinivas

Published: Tuesday, July 23, 2013, 15:47 [IST]

బెంగళూరు: అందమైన యువతులను ఎరగా వేసి వ్యాపారవేత్తలను బ్లాక్ మెయిల్ చేస్తున్న నిందితులను మడికెరి పోలీసులు అరెస్టు చేశారు. కర్నాటక రాజధాని బెంగళూరు, మంగళూరు, కేరళలోని పలు ప్రాంతాల్లో పలువురి వ్యాపారులకు అమ్మాయిలను ఎరగా వేసి వీరు బ్లాక్ మెయిల్‌కు పాల్పడ్డారు. ఈ గ్యాంగులో పదిమంది సభ్యులు ఉండగా, అందులో ఇద్దరు యువతులు ఉన్నట్లుగా పోలీసులు గుర్తించారు.

ఈ ముఠా పైన బెంగళూరు, మంగళూరు, కేరళ తదితర ప్రాంతాల్లో పలు ఫిర్యాదులు అందాయి. తన దుకాణానికి ఓ యువతి వచ్చిందని, స్నేహం అంటూ తనకు ఆమె ఫోన్ నెంబర్ కూడా ఇచ్చిందని, తర్వాత ఆమె ద్వారా తాను మోసపోయానని మంగళూరుకు చెందిన ఓ వ్యాపారి పోలీసులకు ఫిర్యాదు చేశారు.

మధ్యాహ్న భోజనంలో బల్లి

హర్యానాలోని పాల్వాయ్‌లో ఓ పాఠశాలలో మధ్యాహ్న భోజనంలో చచ్చిన బల్లి కనిపించడంతో విద్యార్థులు తల్లడిల్లి పోయారు. విషయం తెలిసిన తల్లిదండ్రులు ఆందోళనకు దిగారు. తమకు ఆహారంలో చిన్న చిన్న క్రిమికీటకాలు తరుచూ కనిపిస్తూనే ఉంటాయని పిల్లలు చెప్పారు. దీంతో గ్రామస్థులు మండిపడ్డారు.

కానిస్టేబుళ్లు సస్పెండ్

కడప జిల్లా ఖాజీపేట మండలం చెన్నముక్కపల్లెలలో ముగ్గురు కానిస్టేబుళ్లు, ఒక హెడ్ కానిస్టేబుల్‌ను జిల్లా ఎస్పీ సస్పెండ్ చేశారు. రైతును తనిఖీ చేసి రూ.30వేలుతీసుకున్నారని కానిస్టేబుళ్లపై బాధితుడు ఫిర్యాదు చేశారు. దీంతో వారిపై ఎస్పీ చర్యలు తీసుకున్నారు.

Published On July 23, 2013