డర్టీ ఎంపీ సచ్చీలుడా..? మహిళల దెబ్బ గట్టిగా తగులుతుంది: టీడీపీ నేత అనిత

న్యూడ్ వీడియోలో ఉన్నది గోరంట్ల మాధవ్ కాదని అనంతపురం ఎస్పీ చెప్పడంతో ఈ అంశం మరోసారి వార్తల్లోకి వచ్చింది. దీనిపై అధికార, విపక్షాల మధ్య డైలాగ్ వార్ జరిగింది. ఇష్యూపై టీడీపీ నేత వంగలపూడి అనిత కూడా స్పందించారు. ఎంపీ మాధవ్ విషయంలో అనుకున్నట్టే జరిగిందని ఆమె అన్నారు. తప్పును కప్పిపుచ్చడానికి చేయాల్సినవి అన్నీ చేస్తున్నారని ఆరోపించారు. డర్టీ ఎంపీ మాధవ్ సచ్ఛీలుడు అనే సర్టిఫికెట్ ఇస్తున్నారని విమర్శించారు.

అది ఒరిజినలో, కాదో అని నిర్ధారించలేకపోతున్నాం అని మీరు చెప్పారు... బాగుంది. మరి అలాంటప్పుడు అది ఎడిటింగ్, మార్ఫింగ్ అని ఎలా చెబుతారు? నిజం నిలకడ మీద కచ్చితంగా బయటికి వచ్చి తీరుతుందని అనిత అన్నారు. ఈ డర్టీ ఎంపీని సమర్థించిన వారందరూ ఆ రోజు తలదించుకోకతప్పదని అనిత అని స్పష్టం చేశారు. ఈ వీడియో వ్యవహారాన్ని సమర్థిస్తున్నారా, లేదా అనేది సీఎంగా జగన్ రెడ్డి ప్రజలకు జవాబు చెప్పాల్సిన అవసరం ఉందని అనిత డిమాండ్ చేశారు. ఎంపీ మాధవ్ మీద చర్యలు తీసుకోకుంటే రాష్ట్ర మహిళల దెబ్బ గట్టిగా తగులుతుందని హెచ్చరించారు.

గోరంట్ల మాదవ్ వీడియో ఫేక్ అని ఎస్పీ స్పష్టంచేశారు. ఆ వెంటనే ఎంపీ గోరంట్ల మాదవ్ అటాక్ చేశారు. లోకేశ్, చంద్రబాబుపై విమర్శలు చేశారు. ఆ తర్వాత నారా లోకేశ్ స్పందించారు. అనంతపురం ఎస్పీ ఫకీరప్ప వ్యాఖ్యలను తప్పుబట్టారు. వీడియో ఫేక్ అని ఎస్పీ ఎలా తేల్చురో చెప్పాలని ప్రశ్నించారు. ఏ ఫోరెన్సిక్ నివేదిక ఇచ్చిందో బయటపెట్టాలని డిమాండ్ చేశారు. వీడియో ఒరిజినల్ ఉందని ఎస్పీ భావిస్తున్నారా అని లోకేష్ ప్రశ్నించారు. వీడియోను ఒరిజనల్ అని నిర్థారించలేకపోతున్నాం అని అనంతపురం ఎస్పీ ఫకీరప్ప తెలిపారు. వీడియోను మార్ఫింగ్‌ లేదా ఎడిటింగ్ చేసి ఉండొచ్చని అభిప్రాయపడ్డారు. వీడియోకు సంబంధించి బాధితులెవరు ఫిర్యాదు చేయలేదని వివరించారు. వీడియోని మార్ఫింగ్‌ చేసినట్లు ఎంపీ అనుచరులు ఫిర్యాదు చేశారని ఎస్పీ మీడియాకు వెల్లడించారు.

English summary

gorantla madhav is dirty mp tdp anitha alleges. she angry on cm ys jagan.