వైఎస్ వివేకా హత్య కేసు: గంగాధర్ రెడ్డి మరణం అందువల్లే జరిగింది: అనంత ఎస్పీ

వైఎస్ వివేకానంద రెడ్డి హత్య కేసులో కీలక పరిణామం.. హత్య కేసులో సాక్షి గంగాధర్ రెడ్డి మరణంతో మరోసారి చర్చకు దారితీసింది. అయితే ఇదీ అనుమానాస్పదం ఏమీ కాదని ఎస్పీ అంటున్నారు. అనారోగ్య సమస్యలే అని చెప్పారు. కానీ ఏం జరుగుతుందోననే ఉత్కంఠ నెలకొంది. గంగాధర్ రెడ్డి మృతి గురించి తెలిసి తొలుత పోలీసులు అనుమానాస్ప‌ద మృతిగా కేసు న‌మోదు చేశారు. కానీ మృతదేహాం పరిశీలించి అదేం లేదని తేల్చారు.

గంగాధర్ రెడ్డిది క‌డ‌ప జిల్లా పులివెందుల‌. వివేకా హ‌త్య కేసులో నిందితుడిగా ఉన్న దేవిరెడ్డి శివశంక‌ర రెడ్డికి ప్ర‌ధాన అనుచ‌రుడు. అయితే ప‌దేళ్ల క్రిత‌మే పులివెందుల‌ను వీడి, అనంత‌పురం జిల్లా యాడికి వచ్చాడు. అక్కడే ఉంటున్నారు. బుధవారం రాత్రి త‌న ఇంటిలోనే నిద్రించిన గంగాధ‌ర్ రెడ్డి గురువారం తెల్లారేస‌రికి విగతజీవిగా కనిపించారు.

గంగాధ‌ర్ రెడ్డి మ‌ర‌ణంపై అనంత‌పురం జిల్లా ఎస్పీ ఫ‌కీర‌ప్ప ప్ర‌క‌ట‌న విడుద‌ల చేశారు. గంగాధ‌ర్ రెడ్డి మ‌ర‌ణం అనుమానాస్పద‌మేమీ కాద‌ని, అనారోగ్య సమస్యలతోనే మ‌ర‌ణించార‌ని ఎస్పీ వెల్ల‌డించారు. గంగాధ‌ర్ రెడ్డి మృత‌దేహానికి పోస్టుమార్టం జ‌రిపించామ‌ని, ఆయ‌న మృత దేహంపై ఎలాంటి గాయాలు క‌నిపించ‌లేద‌ని ఎస్పీ వెల్ల‌డించారు. గంగాధర్ రెడ్డి మ‌ర‌ణం అనారోగ్య కార‌ణాల‌తోనే సంభ‌వించింద‌ని ఎస్పీ తెలిపారు

2019 మార్చి నెలలో ఇంట్లోనే వైఎస్ వివేకానందరెడ్డి హత్యకు గురైన సంగతి తెలిసిందే. ఈ కేసును సీబీఐ టేకప్ చేసింది. కడప కేంద్రంగా అధికారులు దర్యాప్తు చేస్తున్నారు. ఈ కేసులో పలువురిని అరెస్టు చేశారు. హత్యకు ఉపయోగించిన ఆయుధాలు, కీలక డాక్యుమెంట్లను సీబీఐ సీజ్ చేశారు. కడప జిల్లా కారాగారం, పులివెందుల ఆర్‌అండ్‌బీ అతిథిగృహాల్లో సీబీఐ బృందాలు వేర్వేరుగా అనుమానితులను ప్రశ్నించారు.

English summary

gangadhar reddy died due to health issues anantapur sp said to media.