డిసిఎం రాజయ్య కాన్వాయ్ కారు ఢీకొట్టి 7 గురికి గాయాలు

వరంగల్: తెలంగాణ ఉప ముఖ్యమంత్రి టి. రాజయ్య కాన్వాయ్‌లోని కారు ప్రజలను తీవ్ర భయాందోళనలకు గురి చేసింది. ఆయన వాహనశ్రేణిలోని ఓ వాహనం ఢీకొట్టడంతో ఏడుగురు గాయపడ్డారు. ఈ సంఘటన వరగంల్ జిల్లాలోని రఘునాథపల్లి మండలం యశ్వంత్‌పూర్‌లో జరిగింది.

రాజయ్య కాన్వాయ్ హనుమకొండ వైపు వస్తుండగా, అందులోని ఓ వాహనం టైర్లు పంక్చర్ అయ్యాయి. దాంతో డ్రైవర్ వాహనంపై నియంత్రణ కోల్పోయాడు. అది ఓ స్కూటర్‌తో పాటు మరిన్ని వాహనాలను ఢీకొట్టిందని రఘునాథపల్లి సబ్ ఇన్‌స్పెక్టర్ చెప్పారు.

కాన్వాయ్‌లో వాహనం ఎదురుగా వస్తున్న ఇతర వాహనాలను కూడా ఢీకొట్టింది. ఈ సంఘటనలో ఏడుగురికి స్వల్ప గాయలైనట్లు, వారిని జనగాంలోని ప్రైవేట్ ఆస్పత్రికి తరలించి వైద్యం చేసినట్లు, ఆ తర్వాత వారిని డిశ్చార్జీ చేసినట్లు అధికారులు చెప్పారు.

గాయపడినవారిలో రఘునాథపల్లి పోలీసు స్టేషన్‌కు చెందిన జి. జగన్మోహన్, కె. బాబు కూడా ఉన్నారు. ఈ సంఘటనపై దర్యాప్తు చేస్తున్నట్లు తెలిపారు. రాజయ్య వరంగల్ జిల్లాకు చెందినవారనే విషయం తెలిసిందే.

English summary

As many as seven people sustained minor injuries after an escort vehicle from the convoy of Telangana Deputy Chief Minister T Rajaiah's vehicle got punctured and hit other vehicles at Yashwanthapur village in Raghnathpally mandal this evening, police said.