APPSC : ఆంధ్రప్రదేశ్ గ్రూప్-1 మెయిన్స్ ఫలితాలు విడుదల...

ఆంధ్రప్రదేశ్‌ పబ్లిక్‌ సర్వీస్‌ కమిషన్ ‌(ఏపీపీఎస్సీ) గ్రూప్-1 మెయిన్స్ ఫలితాలు విడుదల చేసింది.ఇంటర్వ్యూలకు ఎంపికైన అభ్యర్థుల జాబితాను బుధవారం(ఏప్రిల్ 28) ప్రకటించింది. ‌ఏపీపీఎస్సీ అధికారిక వెబ్‌సైట్ www.psc.ap.gov.inలో ఎంపికైన అభ్యర్థుల వివరాలను ఉంచారు. మెయిన్స్‌లో అర్హత సాధించిన అభ్యర్థులకు జూన్ 14వ తేదీ నుంచి ఇంటర్వ్యూలు నిర్వహించనున్నారు.

ఇంటర్వ్యూలకు సంబంధించి ఏపీపీఎస్సీ నుంచి అభ్యర్థులకు వ్యక్తిగత కాల్ లెటర్స్ కూడా అందుతాయి. ఇంటర్వ్యూకి ఎంపికైన అభ్యర్థులకు అదే రోజు ఒరిజినల్ సర్టిఫికెట్స్ వెరిఫికేషన్ ఉంటుంది. వయసు,విద్యార్హతలు,స్టడీ సర్టిఫికెట్,రెసిడెన్సీ సర్టిఫికెట్,లోకల్ స్టేటస్ సర్టిఫికెట్ తదితర సర్టిఫికెట్లు,డాక్యుమెంట్లు సమర్పించాల్సి ఉంటుంది. ఒకవేళ ఎవరైనా ఒరిజినల్ సర్టిఫికెట్లు సమర్పించకపోతే వారి అభ్యర్థిత్వాన్ని రద్దు చేసే అవకాశం ఉంటుంది.

కాగా,2018లో ఏపీపీఎస్సీ గ్రూప్-1 నోటిఫికేషన్ జారీ చేయగా డిసెంబర్,2020లో పరీక్ష నిర్వహించారు. మొత్తం 9,679 మంది అభ్యర్థులు గ్రూప్ 1 మెయిన్స్ పరీక్షలకు హాజరైనట్లు తెలుస్తోంది.రాష్ట్రంలోని 13 జిల్లాలతో పాటు హైదరాబాద్‌లో కూడా పరీక్ష కేంద్రాలను ఏర్పాటు చేశారు. మొత్తం 41 పరీక్ష కేంద్రాల్లో పరీక్షలు నిర్వహించారు. ఇందులో 34 సెంటర్లు ఏపీలో ఉండగా, 7 సెంటర్లు హైదరాబాద్‌లో ఉన్నాయి.

English summary

APPSC Group 1 Mains Result 2021: Andhra Pradesh Public Service Commission (APPSC) has released the Group 1 Mains Result 2021 on its website. All such candidates who appeared in the APPSC Group 1 Mains Exam 2021 against the advertisement number 27/2018 can download the result through the official website of APPSC.i.e.psc.ap.gov.in.