IndiGo: పశువుల్లా కుక్కేస్తారా ? కోర్టుకీడుస్తా..! ఇండిగో కు నరేష్ వార్నింగ్..!

దేశంలోనే టాప్ ఎయిర్ లైన్స్ పై పేరు తెచ్చుకుని, తాజాగా సమస్యలతో కొట్టుమిట్టాడుతున్న ఇండిగో విమానయాన సంస్థ తాజాగా టాలీవుడ్ సీనియర్ నటుడు నరేష్ కు షాకిచ్చింది. ఇండిగో విమానం ఎక్కేందుకు ఎయిర్ పోర్టు నుంచి ఏర్పాటు చేసే బస్సుల్లో విపరీతంగా ప్రయాణికుల్ని కుక్కేయడంపై నరేష్ ఆగ్రహం వ్యక్తం చేశారు. తాను ఎక్కిన ఇలాంటి ఓ బస్సులో ప్రయాణికుల్ని భారీగా కుక్కేసి తీసుకెళ్లడంపై మండిపడుతూ ఓ ట్వీట్ చేశారు.

ఇండిగో ఎయిర్ లైన్స్ విమానంలో ప్రయాణించేందుకు టికెట్ బుక్ చేసుకున్న నరేష్ కు ఎయిర్ పోర్టు నుంచి ఏర్పాటు చేసిన బస్సులో సీటు దొరికింది. అయితే ఒకేసారి ప్రయాణికులు ఎక్కువ సంఖ్యలో రావడంతో సదరు బస్సులో వారందరినీ ఎక్కించేశారు. దీంతో నరేష్ తీవ్ర అసౌకర్యానికి గురైనట్లు తెలుస్తోంది. ఈ విషయంపై ఇండిగో సిబ్బందితో నటుడు నరేష్ గొడవ కూడా పడ్డారు. అయినా వారు స్పందించకపోవడంతో అక్కడి ఫొటోలు తీసుకుని ట్వీట్ పెట్టారు.

The bus torture chambers of INDIGO airlines are excruciating reminders of the airline monopoly. Thy had loaded us like cattle in a lorry (twice the capacity )with senior citizens , some in wheel chairs struggling to stand ( seen in the back ground ) . I had screamed at the top of… pic.twitter.com/JzcOvsLlul

— Naresh Vijaya Krishna (@ItsActorNaresh) December 23, 2025

ఇందులో ఎయిర్‌లైన్స్ బస్సు టార్చర్ ఛాంబర్‌లు ఎయిర్‌లైన్ గుత్తాధిపత్యాన్ని గుర్తుచేస్తాయని నరేష్ తెలిపారు. మీరు మమ్మల్ని లారీలో పశువులలాగా (సామర్థ్యానికి రెండు రెట్లు) సీనియర్ సిటిజన్లతో ఎక్కించారన్నారు. కొంతమంది వీల్ చైర్‌లలో నిలబడటానికి ఇబ్బంది పడుతున్నారన్నారు. ఇకపై ఓవర్‌లోడ్ చేయడాన్ని ఆపమని తాను గట్టిగా అరిచినట్లు తెలిపారు. బస్సులకు ఒక నిర్దిష్ట పరిమితి, సీనియర్ సిటిజన్లకు ప్రత్యేక స్థలం ఉండాలన్నారు. దీనిపై చట్టబద్ధంగా ముందుకువెళ్లేందుకు తన న్యాయ బృందంతో మాట్లాడుతున్నానని నరేష్ ట్వీట్ లో పేర్కొన్నారు.