ప్రకాశం జిల్లా జడ్పీ డూప్లికేట్ వెబ్ సైట్ సూత్రధారుల అరెస్ట్...31 లక్షల నగదు స్వాధీనం
ప్రకాశం జిల్లా: ఛీటింగ్ చేయడంలో కూడా క్రియేటివిటీ చూపించి ప్రకాశం జిల్లా పరిషత్ పేరిట నకిలీ వెబ్ సైట్ ను సృష్టించి నిరుద్యోగులను కొల్లగొట్టిన కేటుగాళ్లను పోలీసులు అరెస్ట్ చేశారు.ఎస్పీ ఆదేశాలతో ఈ కేసును ప్రతిష్టాత్మకంగా తీసుకున్నమార్కాపురం పోలీసులు చెప్పినట్లే రోజుల వ్యవధిలోనే ఆ జగత్ కిలాడీలను పట్టేశారు
ప్రకాశం జిల్లా జడ్ పి కార్యాలయం పేరుతోనే నకిలీ వెబ్ సైట్ క్రియేట్ చేసి గవర్నమెంట్ జాబ్స్ వేకెన్సీ ఉన్నాయని ప్రకటనలు గుప్పించి నిరుద్యోగులను మోసగించిన కేసులో ఈ ఛీటింగ్ రాకెట్ కు ప్రధాన సూత్రధారి అయిన షేక్ ఖాసిమ్ ను పోలీసులు అరెస్ట్ చేశారు. ఇతడితో పాటు ఈ ఛీటింగ్ వ్యవహారంలో భాగస్వాములైన మరో 10 మందిని కూడా పోలీసులు అదుపులోకి తీసుకున్నారు. వీరి నుంచి 31 లక్షల రూపాయల నగదు, డాక్యుమెంట్స్ ను స్వాధీనం చేసుకున్నారు.
చాపకింద నీరులా నిరుద్యోగులను మోసగించుకుంటూ సాగిపోతున్న ఈ ఛీటింగ్ రాయుళ్ల వ్యవహారం ముందు జడ్పి సిఈవో గుర్తించి ఎస్పికి ఫిర్యాదు చేశారు. ఆ తరువాత ఎస్పీ ఈ వ్యవహారాన్ని సీరియస్ గా తీసుకొని మార్కాపురం పోలీసులకు దిశానిర్ధేశం చేశారు. డిఎస్పి, మార్కాపురం సిఐ ప్రతిష్టాత్మకంగా తీసుకొని క్లిష్టమైన ఈ కేసును చేధించడమే కాదు వారు అమాయకులైన నిరుద్యోగుల నుంచి కొల్లగొట్టిన సొమ్మును సైతం రికవరీ చేయడం ఎంతగానో అభినందించదగ్గ విషయమని సర్వత్రా ప్రశంసలు వెల్లువెత్తుతున్నాయి. మార్కాపురం