ఆర్టీసీ అసిస్టెంట్ మేనేజర్ ను బస్టాండ్ లోనే చితకబాదిన ఆర్టీసీ డ్రైవర్ .. ఎందుకంటే

ఆర్టీసీ అసిస్టెంట్ మేనేజర్ తనను వేధింపులకు గురి చేస్తున్నాడని, లీవ్ ఇవ్వకుండా ఇబ్బంది పెడుతున్నారని ఆర్టీసీ డ్రైవర్ , ఆర్టీసీ అసిస్టెంట్ మేనేజర్ ను చితకబాదిన ఘటన ఏపీలో సంచలనంగా మారింది. చిత్తూరు జిల్లా శ్రీకాళహస్తి బస్ డిపో లో జరిగిన ఈ ఘటన వివరాలను చూస్తే

ఆర్టీసీ డ్రైవర్ సుబ్రమణ్యం, శ్రీకాళహస్తి బస్ డిపో అసిస్టెంట్ మేనేజర్ వేణును గత కొంతకాలంగా సెలవు ఇవ్వాలని కోరుతున్నారు. ఏవో కారణాలు చెప్పి అసిస్టెంట్ మేనేజర్ వేణు, డ్రైవర్ సుబ్రహ్మణ్యంకు సెలవు ఇవ్వకుండా ఇబ్బంది పెడుతున్నాడు. దీంతో ఆగ్రహించిన ఆర్టీసీ డ్రైవర్ సుబ్రమణ్యం అసిస్టెంట్ మేనేజర్ వైఖరితో విసుగుచెంది అందరిముందూ గొడవకు దిగాడు. బస్టాండ్ లో ప్రయాణికులు అందరూ చూస్తుండగానే అసిస్టెంట్ మేనేజర్ వేణుపై దాడికి దిగాడు. ఆగ్రహంతో చితకబాదాడు.

బస్ స్టేషన్ లో ఉన్న సిసి కెమెరాలలో డ్రైవర్ అసిస్టెంట్ మేనేజర్ పై చేసిన దాడి ఘటన మొత్తం రికార్డు అయింది. అసిస్టెంట్ మేనేజర్ వేణుపై, డ్రైవర్ చేసిన దాడిని చూసిన అక్కడి ఆర్టీసీ సిబ్బంది, ప్రయాణికులు ఖంగుతిన్నారు. కావాలని తనకు సెలవు ఇవ్వకుండా అసిస్టెంట్ మేనేజర్ వేణు ఇబ్బంది పెడుతున్నాడని డ్రైవర్ సుబ్రమణ్యం ఆరోపిస్తున్నాడు. డ్రైవర్ తనపై దాడి చేయడంపై అసిస్టెంట్ మేనేజర్ వేణు పోలీసులకు ఫిర్యాదు చేసినా, స్థానిక పోలీసులు పట్టించుకోకపోవడంతో ఎస్పీకి ఫిర్యాదు చేశారు. అంతే కాకుండా డిపార్టుమెంటు యాక్షన్ కోసం పై అధికారులకు ఫిర్యాదు చేశారు .

English summary

A driver attacked the assistant manager of a bus depot as he refused to give leave for the driver. The incident took place in Srikalahasti bus depot, Chittoor district. Going by the details, the driver Subramanyam requested the assistant manager Venu to sanction him leave. But the manager refused to give him leave, so, the driver got frustrated over the attitude and got into fight in front of everyone. The entire situation was recorded in CCTV cameras present in the bus station. The assistant manager lodged a complaint with the SP.