ఫ్యాన్ vs గాజు గ్లాస్.. సినిమాటిక్ వీడియోతో దుమ్మురేపిన పవన్ కళ్యాణ్!!

రాష్ట్రంలో ఎన్నికలకు సమయం దగ్గర పడుతున్న తరుణంలో ప్రజల మనసులలో తమ పార్టీ నాటుకునే, తమ పార్టీ గుర్తును బలంగా ప్రజల్లోకి తీసుకు వెళ్లే ప్రయత్నం చేస్తున్నారు అన్ని రాజకీయ పార్టీల నేతలు. ముఖ్యంగా వైసిపి అధినేత జగన్మోహన్ రెడ్డి రాష్ట్రంలో అక్కచెల్లెళ్ల కోసం, అన్ని వర్గాల సంక్షేమం కోసం నిత్యం బటన్ నొక్కుతున్నానని, వచ్చే ఎన్నికలలో ఒకసారి ఓటర్లు అందరూ ఫ్యాన్ బటన్ నొక్కాలని పెద్దఎత్తున ప్రచారం చేస్తున్నారు.

అయితే ఓటర్లు ఫ్యాన్ బటన్ నొక్కితే ఏం జరుగుతుందో చెబుతూ జనసేన గాజు గ్లాసు అవసరాన్ని ప్రజలకు అర్థమయ్యేలా పవన్ కళ్యాణ్ చేసిన ఒక వీడియో ప్రస్తుతం హల్చల్ చేస్తుంది. ఆ వీడియోలో ఫ్యాన్ స్విచ్ బటన్ నొక్కగానే, ఫ్యాన్ గాలికి రాష్ట్ర అభివృద్ధి, రాష్ట్ర భవిష్యత్తు, వ్యవసాయం, రాష్ట్ర ప్రజల ఉద్యోగావకాశాలు, రాష్ట్రంలోని మౌలికవసతులు, పరిశ్రమలు ఇలా అనేకం చెల్లాచెదురుగా మారాయని ఆ వీడియో ద్వారా స్పష్టం చేశారు.

ఇక దానిని కాపాడాల్సిన బాధ్యతను జనసేన అధినేత పవన్ కళ్యాణ్ తీసుకుంటున్నారని, రాష్ట్ర అభివృద్ధి విధ్వంసం కాకుండా, ఫ్యాన్ గాలికి చెదిరిపోకుండా గాజు గ్లాస్ కాపాడుతుందని దాని ద్వారా సందేశం ఇచ్చారు. చాలా సినిమాటిక్ వేలో ప్రజలకు అర్థమయ్యేలా చేసిన ఆ వీడియోలో టేబుల్ పై పెట్టిన పేపర్లు గాలికి ఎగిరి పోతుంటే, వాటిని తిరిగి తెచ్చి అవి మళ్లీ చెల్లాచెదురు కాకుండా దానిపై గాజుగ్లాసును పెట్టారు పవన్ కళ్యాణ్.

"ఫ్యాను" గాలికి కొట్టుకుపోతున్న రాష్ట్ర భవిష్యత్తును తిరిగి గాడిలో పెట్టే బాధ్యతను చేపట్టిన "గాజు గ్లాసు."#JanasenaFormationDay#BJP #JSP #TDP#HelloAP_ByeByeYCP pic.twitter.com/idTuQM0yx3

— JanaSena Party (@JanaSenaParty) March 14, 2024

ఇక ఈ వీడియో ప్రస్తుతం నెట్టింట దుమ్ము రేపుతుంది. పొత్తు గెలవాలి ప్రభుత్వం రావాలి అన్న పేరుతో చేసిన ఈ వీడియోకు "ఫ్యాను" గాలికి కొట్టుకుపోతున్న రాష్ట్ర భవిష్యత్తును తిరిగి గాడిలో పెట్టే బాధ్యతను చేపట్టిన "గాజు గ్లాసు." అంటూ ఎక్స్ వేదికగా జనసేన ఒక పోస్టు పెట్టింది.

చాలా సినీ ఫక్కీలో, ప్రొఫెషనల్ గా తీసిన ఈ సూపర్ వీడియో ద్వారా రాష్ట్రంలో వైసిపి ఫ్యాన్ పరిస్థితి ఇలా ఉందని, కాపాడవలసిన బాధ్యతను జనసేన గాజు గ్లాసు తీసుకుందని చెప్పే ప్రయత్నం చేశారు. రాష్ట్ర భవిష్యత్తును తిరిగి గాడిలో పెట్టే బాధ్యతను తీసుకున్న జనసేన గాజు గ్లాసును ప్రజలు గుర్తుపెట్టుకోవాలి అన్న ఉద్దేశంతో ఈ వీడియోని చేశారు. నోటితో చెప్పే మాటల కన్నా, దృశ్యం గట్టిగా గుర్తుంటుంది అని జనసేన కొత్త పంధాలో చేసిన ఈ వీడియో ప్రస్తుతం ప్రతి ఒక్కరిని ఆలోచించేలా చేస్తుంది.

English summary

A video made by Pawan Kalyan to make people understand the need for Jana Sena symbol glass by telling what will happen if voters press the fan button in the upcoming elections in AP is making sensation right now.