ఫ్లిప్‌కార్ట్ ‘బిగ్ బిలియన్ డేస్ సేల్’ 2023: అమితాబ్ బచ్చన్ పై సిఏఐటీ ఫిర్యాదు!!

త్వరలో ఫ్లిప్ కార్ట్ బిగ్ బిలియన్ డేస్ సేల్ ప్రారంభం కాబోతుంది. ఆఫర్ల పండుగకు వినియోగదారులు కూడా సిద్ధం అవుతున్నారు. అక్టోబర్ 8 నుండి 15వ తారీఖు వరకు వాల్ మార్ట్ యాజమాన్యంలోని ఫ్లిప్ కార్ట్ బిగ్ బిలియన్ డేస్ 2023 సేల్ ను ప్రారంభిస్తుంది. భారీ ఆఫర్లతో, బంపర్ డిస్కౌంట్లతో ఫ్లిప్ కార్ట్ బిగ్ బిలియన్ డేస్ సేల్ నేపధ్యంలో ఈ మేరకు flipkart ఒక యాడ్ ను మార్కెట్లోకి రిలీజ్ చేసింది.

ఫ్లిప్ కార్ట్ కోసం బాలీవుడ్ ప్రముఖ నటుడు అమితాబ్ బచ్చన్ నటించిన ఒక యాడ్ ఇప్పుడు కాన్ఫిడరేషన్ ఆఫ్ ఆలిండియా ట్రేడర్స్ కు ఆగ్రహం తెప్పించింది. అమితాబ్ బచ్చన్ నటించిన ఆ యాడ్ పై మంత్రిత్వ శాఖకు ఫిర్యాదు చేశారు. అసలు ఇంతకీ ఆ యాడ్లో అమితాబ్ బచ్చన్ ఏం చెప్పారంటే..

ఈ కామర్స్ దిగ్గజం అయిన ఫ్లిప్ కార్ట్ యొక్క మొబైల్ ఫోన్ల డీల్స్, డిస్కౌంట్ లు ఆఫ్ లైన్ స్టోర్లలో అందుబాటులో ఉండవు అన్నట్టుగా కేవలం ఫ్లిప్‌కార్ట్‌ లో మాత్రమే లభిస్తాయి అన్నట్టుగా అమితాబ్ బచ్చన్ ఆ యాడ్లో నటించారు. ఇక ఈ యాడ్ అవకాశం ఉందని సాంప్రదాయ రిటైల్ మార్కెట్ కు అంతరాయం కలిగించడానికి ఇటువంటి ప్రకటనలు దోహదం చేస్తాయని సిఏఐటి అభిప్రాయం వ్యక్తం చేసింది.

ఈ మేరకు అమితాబ్ బచ్చన్ కు ఒక లేఖ కూడా రాసింది.ఆయన చేసిన యాడ్ భారతదేశంలోని రిటైలర్ లకు బాగా నష్టం చేస్తుందని పేర్కొంది. ఈ ప్రకటనను తీసివేయడం మాత్రమే కాకుండా, ఫ్లిప్‌కార్ట్‌ ఒక్కొక్కరికి 10 లక్షల రూపాయలు చొప్పున జరిమానా విధించాలని కాన్ఫిడరేషన్ ఆఫ్ ఆలిండియా ట్రేడర్స్ మంత్రిత్వ శాఖను కోరింది.

అమితాబ్ బచ్చన్ చేసిన ఈ ప్రకటన ద్వారా ఫ్లిప్‌కార్ట్‌ అన్యాయమైన వాణిజ్య పద్ధతులను అనుసరిస్తుంది అని సీఏఐటీ పేర్కొంది. ఇక ఈ తప్పుదారి పట్టించే ప్రకటనలు అనైతికమైనవని, అవి మంచి పోటీని వక్రీకరిస్తాయని, దీనివల్ల చిన్న చిన్న షాపుల వారికి నష్టం జరుగుతుందని పేర్కొన్నారు.

English summary

Flipkart 'Big Billion Days Sale' 2023 will start from 8th October. CAIT has lodged a complaint with the ministry over Amitabh Bachchan's ad.